عاجل.. خالد الغندور يطالب بعقاب لاعب الزمالك بعد احتفاله المثير للجدل أمام دريمز
انتقد خالد الغندور، لاعب الزمالك السابق، احتفال مصطفى شلبي لاعب الفريق الأبيض بعد إحرازه الهدف الثالث لفريقه أمام دريمز الغاني في نصف نهائي دوري أبطال إفريقيا.
مطالبات بالعقوبة
وقال الغندور، في مداخلة مع برنامج "الماتش" المذاع على قناة "صدى البلد": "هو راح وقال اسكتوا، اللاعب وهو سيء هيتقال عليه أنت سيء ولعبت وحش، الماتش الأول كان مصطفى شلبي سيء واتغير بين الشوطين ومن 23 باس عمل 19 باس غلط، ومكانش واقف على رجليه وفي ماتش النهاردة كان متألق وراح واحد على واحد وصنع أكتر من فرصة، وجاب هدف من وجهة نظري سهل لأنه انفراد بالمرمى، هنا السؤال بقي هو إيه الميزة في قلع الفانلة؟، لما بقلع الفانلة وبرميها عارف إني هاخد إنذار".
وأضاف: "الإنذار ده وأنا عندي ماتشات في إفريقيا مش ممكن يأثر عليا؟ هو راح قال اسكتوا، اسكتوا لمين؟، مهو طول ما أنت كويس الناس هتقول أنت عالمي، أنا أكتر واحد طالبت إن مصطفى شلبي يبقى في المنتخب، مصطفى شلبي أنا طول عمري أن اللاعب المهاري لازم يكون واقف على رجليه عشان المهارة لما تكون أنت بدني عالمي مهارتك بتظهر".
وتابع: "أنا هنا السؤال، النهاردة بعد ما عمل اسكتوا عمل حركة بتبان للجمهور أما دا من قلبي، أو حركة تانية، وهناك نفتح المجال بقى للأهلاوي يدافع عن عبد المنعم والزملكاوي بيدافع عن مصطفى شلبي، في النهاية لابد تكون معايرنا واحدة أتكلم عن عبد المنعم وعن مصطفى شلبي".
وأوضح الغندور: "أنت برضو لو نيتك بالحركة دي قلبك الشكل العام بيبان ايه؟ مصطفى شلبي بيرد على الجمهور اللي انتقده لأن كان في جمهور بينتقده لأن مستواه كان وحش".
واختتم: "طالبت بعقاب مصطفى، فكرة أن أقلع الفانلة وأرميها أنا هاخد إنذار ودا ممكن يكلفني بعدها، وفكرة قلع الفانلة ورميها أساسًا في ناس بتقلع الفانلة نص أو تمسكها في إيديها ودا موقف مش كويس وكمان بيحط نفسه في حرج إن عبد المنعم عمل كده وهو عمل كده ويبتدي جمهور الزمالك يقول إن عنده شد في الرئتين وهنهزر بقى".
