فنانة شهيرة تستغيث برئاسة الوزراء.. ما القصة؟

وجهت الفنانة مشيرة إسماعيل، استغاثة إلى المسؤولين؛ بسبب افتتاح مستشفى للكلاب في العمارة التي تسكنها بما يخالف القانون.

وقالت، في مداخلة مع برنامج "الستات" المذاع على قناة "النهار": "بقالنا في العمارة 42 سنة المنطقة راقية جدًا، والشارع تحس اللي هو بتاع زمان وحاجة هادية وراقية، وفجأة لقينا واحد بيأجر الدور الأرضي وهما شاريينه عشان يأجروه للمشاريع".

وأضافت: "كذا مرة نقفل مشاريع، ولكن الأحياء كانت بتنزل معانا على طول، المردة دي فجأة لقينا واحد بيركب يافطة الساعة واحدة باليل، ولما قلناله معاك رخصة؟ قال معايا بس مش معايا دلوقتي وشالها وركبها تاني يوم الصبح وحاطط يافطة مرسوم عليها الكلاب، ومعاها أرقام تليفونه أن دي مستشفى للكلاب".

وتابعت الفنانة الشهيرة: "الكلاب علو البقرة الصغيرة، وفي واحدة دلوقتي داخله بكلبين، وفتحولها ودخلت، الشقتين في الدور الأرضي أصلًا سكني، وكل شوية ينزل رؤساء الأحياء يقفلوها، بعد ما اشتكينا لرئاسة الوزراء والمحافظ".

وواصلت: "المنطقة تابعة لحي مصر الجديدة، أنا استغربت مفيش استجابة، استغربت أن محدش بيتحرك ولا يعمل أي موقف، إحنا مش في زمن دا قريبي ودا صاحبي، إحنا في زمن الحق والعدل والانضباط، يعني محدش يتجاوز ويطغى على حقوق الآخرين".

واختتمت: "أنا متأكدة إننا في زمن الانضباط ولكن أنا مستغربة إن إزاي محدش اتحرك، أكيد في أسباب تانية معرفش، ولكن إحنا مش في وقت دا قريبي إحنا في منطقة الحق والعدل وكل واحد لا يتجاوز حدوده".