مصطفي ابو سريع لـ ياسمين عز: أنتي سبب في طلاق ناس كتير اتقي الله
حل الممثل مصطفى ابو سريع، أمس الأحد، ضيفًا على برنامج «كلام الناس» مع الإعلامية ياسمين عز المذاع عبر قناة «Mbc مصر للحديث عن دوره الناجح في مسلسل "العتاولة".
مواجهة نارية بين مصطفى ابو سريع وياسمين عز
وجه «أبو سريع» حديثه للإعلامية ياسمين عز، قائلًا:«يعني أيه فرعون صغير وكبير، أنتي عايزة مننا أيه يا ياسمين، ماله الفرعون الكبير والصغير، الكلام ده في الجنة».. مضيفًا: «اللي انتي بتقوليه ده وهم ومش حقيقة، أوعي تقولي الكلام ده، خليكي واقعية في الكلام وعيشي الواقع أنتي جاية منين، أنتي كنتي سبب في طلاق ناس كتير يا ياسمين، مينفعش اللي بتقوليه ده ياحبيبتي اتقي الله هو أنتي عايشة فين».
رد ياسمين عز على مصطفى ابو سريع
لترد عليه ياسمين:" أنا ساهمت في ارتفاع نسب الزواج الفترة الماضية".
الموسم الجديد من برنامج ياسمين عز
كشفت ياسمين عز عن مضمون برنامجها «كلام الناس» في موسمه الجديد قائلة: في الموسم ده مش هتكلم عن الستات ولا الرجالة، أن هتكلم الموسم ده عن الحوامل».
وأضافت: «وإزاى أنا أهملت وتغافلت عن الحوامل السنين دي كلها كتلة الهرمونات اللي ماشية على الأرض، إزاى الحامل مدتهاش حقها، هذه الحامل اللي بتأكل لـ أتنين يا عيني، وإزاى مأخدتش نصيبها من البرنامج ده، وهي قاعدة مكتومة كتمة الكحك، حقك علينا يا أم العيال».
فكرة إفيه «المال الحلال أهو»
أوضح ابو سريع أن فكرة الإفيه جاءت عندما كان يرى أن فرحة الزواج في هذا العصر في ظل ارتفاع الأسعار تكون كبيرة جدًا، الحلم يتحقق خطوة بخطوة، فمن هنا استلهم الفكرة، وطرح الفكرة على المخرج أحمد خالد موسى، دعمني في تنفيذها، وكانت مكتوبة «العفش بتاعي.. المال الحلال.. المهر الكبير»، ونفذت الفكرة، وخرجت للجمهور بهذا الشكل».
اقرأ المزيد
بعد تصدره التريند.. مصطفى أبو سريع: سعيد بردود الفعل على "العتاولة"
مصطفى أبو سريع يكشف أسرار حياته الشخصية والفنية في برنامج "من مصر"
