شاهد.. أشرف زكي لمحمد الباز: بدل ما تعزينا بتتهكم علينا؟
رد الدكتور أشرف زكي، نقيب المهن التمثيلية، على المنشور الذي كتبه الدكتور محمد الباز على صفحته الشخصية والتي طالب فيها نقابة الممثلين بسحب بيانها الأخير بشأن تغطية جنازات الفنانين.
تصوير الجنازات
وقال، في مداخلة مع برنامج "صالة التحرير" المذاع على قناة "صدى البلد": "البيان مش من عيلة السعدني ولكن من عندي من النقابة، وليه الدكتور محمد الباز خد الكلام على الصحفيين؟، أنا كلامي كان واضحًا، إحنا متعلمين كويس ومش مستنيين حد يعلمنا وكان أولى بيه يوجه كلامه للي بيعملوا كده".
وأضاف: "يا دكتور محمد الباز كان حريًا بك توجه كلامك وقلمك للي بيغلط للموت حرمة عيب، إحنا مش جايين نتعلم يا دكتور محمد من حضرتك، إحنا أستاذة في الجامعة، مش هتعلمنا ولا من باب خالف تعرف؟، إحنا مش مستنيين درس في الأخلاق، عليه هو اللي يعتذر".
ليس مقصود الصحفيين المحترمين
وتابع زكي: "أنت بتعمل فتنة ليه يا دكتور محمد عايز إيه؟، أنا عمري ما شوفتك في عزاء فنان عايز إيه مننا؟، سيبونا في حالنا ميصحش كده متعملش فتنة بينا، أنا قلت بدل المرة ألف ليس مقصود الصحفيين المحترمين اللي إحنا عارفينهم، وعرفنا أنت بتدافع عن مين، اقرا يسري حسان كاتب إيه؟، متعملش فتنة يا دكتور محمد الباز متعملش فتنة أرجوك متعملش فتنة".
واختتم: "على نقابة الصحفيين أن تواجه الفئة المندسة اللي تحت شعار صحفيين، لا يمكن واحد من دول يكون عضو نقابة الصحفيين لأن دول زمايلنا وبنتقابل في كل مناسبة، بدل يا دكتور محمد الباز ما تعزينا بتتهكم علينا، وأنا بقولك يا دكتور محمد أنا مستنى منك اعتذار، بدل ما تعزينا بتتهكم علينا تمام يا دكتور محمد شكرًا لحضرتك".
