عاجل.. مصطفى بكري يطالب بالقضاء على الفساد الإداري: "جمهورية صغار الموظفين" (فيديو)

طالب الإعلامي مصطفى بكري، بتعاون كل جهات الدولة من أجل مواجهة انتشار المخدرات بين الشباب المصري، مشيرًا إلى أن الظاهرة أصبحت كبيرة.

مشكلة المخدرات

وقال بكري، خلال برنامج "حقائق وأسرار" المذاع على قناة "صدى البلد": "بنشوف اللي بيحصل في بلادنا، مشكلة المخدرات والشابو والحاجات دي انتشرت بشكل كبير وبالذات في صعيد مصر، منهم لله التجار الجشعين اللي بيجيبوا الحاجات دي من بره، إن شاء الله هنبتدي حملة جديدة ضد المخدرات".

وأضاف الإعلامي: "مطلوب حشد ومطلوب القوى كلها تحط إيديها في إيد بعض، دول ولادنا، وأنت قاعد في بيتك بتتفاجئ أن ابنك ضاع، العيل يطلع من البيت أنت متعرفش عنه حاجة وتفضل الظاهرة موجودة لحد ما تنفجر، ودا بيحصل في كل المناطق، إحنا محتاجين الفترة الجاية جهدًا جماعيًا في كل المجالات، الشعب ده عظيم أنت 106 ملايين، أنت تقدر تكسر الدنيا، ونحول محنة إلى منحة، وكيف تحولت الصين سنة 1978 كانت إيه ودلوقت بقت إيه".

وتابع: "محتاجين نقضي على الروتين، وعلى جمهورية صغار الموظفين، اللي بيعرقلوا كل حاجة، تصدر تعليمات رئيس الجمهورية عبد الفتاح السيسي على ما توصل تحت، كل واحد بدماغه، راجل نفسه البلد تبقى قد الدنيا كلها، إنما تحت وأبناء الذين لا يتوقفون عن الفساد والإفساد، بيطفش المستهلك بيسرقك وبيشتغل دولة لوحده داخل الدولة".

ثورة تطهير حقيقة

وذكر بكري: "إحنا عايزين ثورة تطهير حقيقة، فترة سيادة الرئيس الجديدة ست سنين من أول، إحنا نجني الثمار لتطهير المجالات ومواجهة الفساد الإداري، واحد مثلًا كان رئيس شركة مصر للتأمين فجأة راحوا جايبينه وحاطينه عضو مجلس إدارة في تأمينات الحياة، إحنا بنلف وراء بعض؟، إيه يا جماعة ما نسمع كلام القيادة السياسية في هذا الأمر".

وأوضح: "إحنا مطلوب يبقى في شفافية في القرارات في ناس بتلعب من تحت أنت خدت واحد معين وحطيته في جهة معينة، وكنا بنصرخ الراجل ده، اتعزل بسبب فساده وبعدين لما عمل مصيبة جديدة رحت ممشيه، كفاية الناس زهقانة وتعبانة عايزين نساعد الراجل اللي أنقذ البلد".

واختتم: "لما يبقى عندك الشخص القوي وأجدت الاختيار هتقدر تعمل اللي اتعمل، حلف الفساد له جذوره وحلف المتآمرين موجود يا جماعة".