رد عمر كمال على انتقادات سيارته الفارهة: "شقيت وعمري ما قولت اشمعنى"

رد المطرب عمر كمال على الانتقادات والسخرية التي تعرض لها بعد ظهوره بصحبة كل من حسن شاكوش وحمو بيكا أمام سيارات فارهة.

وقال، في فيديو منتشر عبر مواقع التواصل الاجتماعي: "لما كنت بشتغل في الشركة الألمانية وبقف على رجلي 12 ساعة في الأمن والحراسة عمري ما قلت كلمة اشمعنى، وكنت بتعامل مع الناس بشكل جيد جدًا".

وتابع عمر: “ولما كنت شغال في بنزينة كنت بجمع الجنيه والاتنين جنيه التبس بتاعي عشان مكنش ليا قبض، وشغال بالتبس بس، ولما كان بيخش عليا عربية ماركات عالية مبقلوش أمه اللي جيبهاله وبقول الحمد لله، ومكنتش بقول اشمعنى أبدًا وكنت بقول الحمد لله”.

وأضاف: “أنا بنجح، أفضل وسيلة للانتقام النجاح، عشان اللي يقلل مني ميعرفش يطولني ويشوفني من بعيد يقول إنه كان يعرفني في يوم من الأيام، أنجح عشان في قلوب عايزك تفرحها، وعيون لازم تكسرها، الحياة مش عايزه الضعيف ولا الشكاي ولا النداب، الحياة بتجري، انجح”.