رحاب الجمل: صعب أعيد مشهد “احكي يا شهرزاد”.. وندمانة على "بنت من دار السلام"

تحدثت الفنانة رحاب الجمل، عن تقديمها للمشاهد الجريئة، موضحة أنها نادمة على تقديمها لفيلم "بنت من دار السلام"، وتتمنى أن يمحى من تاريخها.

ندمانة على الفيلم

‏‎وقالت: "ندمانة على فيلم (بنت من دار السلام) ونفسي يتمسح من تاريخي، لكن أنا شايفة دلوقتي إن كل حاجة في مشواري غلط إني أندم عليها لأني هبقى اتعلمت منها".

وعن إمكانية تجسيدها مرة ثانية مشهد مثل مشهدها في فيلم "احكي يا شهرزاد"، الذي جسدته أمام الفنان محمد رمضان، قائلة: "محدش هيطلبني تاني لإن هيكون عنده مشكلة لإني كبرت وعملت هذا المشهد وأنا عيلة صغيرة".

‏‎ولفتت: "لو ابني حب يتفرج على (أحكي يا شهرزاد)، أو (بنت من دار السلام)، هقول له اتفرج، لأنه هيبقى عنده تساؤلات كتير، وهيستفيد مني، وهقول له ده وقت ما كنت صغيرة".

أدوار جريئة بشكل جديد

واستكملت رحاب الجمل: "ممكن أقدم أدوارًا جريئة بشكل جديد، يواكب الثقافة دلوقتي، قبل الثمانينات في الأفلام الممثلات كانوا بيلبسوا مايوه، عملت ده في (أحكي يا شهرزاد) وكان فيه أفلام كتير جريئة، جرأتي ملهاش علاقة بجرأة المشهد، هي جرأة وقوة مني إني أقدر أعمل ده".

يذكر أن فيلم "بنت من دار السلام" إخراج وتأليف طوني نبيه، وعُرض عام 2014، بطولة، رحاب الجمل، راندا البحيري، ماهر عصام.