قلعة الموت على مساحة 9 آلاف متر.. كيف بنيت ديكورات مسلسل "الحشاشين"؟
كشف محمد فايز؛ مهندس ديكور مسلسل الحشاشين؛ عن كواليس إنشاء ديكورات المسلسل الذي يعرض حاليا خلال شهر رمضان المبارك.
وقال فايز في مقابلة مع قناة "القاهرة الإخبارية": "كنت محظوظ جدا لأن ربنا اداني شوية وقت لأن أنا في الأول كنت مضغوط في التحضير وأول ما دخلنا بدأنا بناء وبعدين اخدنا 3 شهور والمسلسل وقف والوقت ده ادني مساحة أني أقدر اذاكر تاني؛ طول ما أنا شغال كنت بذاكر ولما جات الوقفة ادتني وقت أني أعرف عايز ايه بالظبط".
وأضاف: "في أصفهان كان اللون الأحمر هو اللي غالب عشان دي منطقة صراع؛ وكنت واخد من لبس السلاجقة مع شوية من الحضارة الهندية والعباسية القديمة ولما جيت للشدة المستنصرية حاولت أخلي الألوان فيها باهته والحياة موحشة أكتر؛ غير مثلا القلعة عايز أشوف صلابة وجحود حسن الصباح فيها وخليت فيها شكل مختلف".
وتابع: "القرية كانت مساحتها صغيرة جدا ولكن المدينة اتعملت 12 ألف متر داخل مدينة الإنتاج والقلعة اتعملت على مساحة 9 آلاف متر وكل ده بالكامل داخل مدينة الإنتاج".
وواصل: "التحديات كلها كانت بسبب اختلاف سعر العملة طول الوقت وبالتالي أسعار الخامات كانت بتختلف؛ والوقت كمان كان مضغوط علينا؛ احنا عندنا أزمة كوطن عربي الاعمال التاريخية مش كتير وقعدنا فترة كبيرة جدا مبنعملهاش ومبقاش عندنا اللي نقدر نرجعله؛ مفيش مدن تاريخية يبقي في بذرة نكمل عليها ومفيش مخازن سلاح نقدر ناخد منها وكنا بنبتدي من الصفر في وقت صغير؛ الوقت ده ملوش أساس موجود من اعمال قبل كده عارفين نعمل عليها إلا حاجات بسيطة زي الفاطمي كان في جزء في المدينة مبني قريب منه وعدلنا عليه ولكن 90% من المشروع ابتدا من الصفر".
مسلسل الحشاشين من بطولة كريم عبد العزيز، فتحي عبد الوهاب، نيقولا معوض، ميرنا نور الدين، أحمد عيد، إسلام جمال، محمد رضوان، سامي الشيخ، عمر الشناوي، نور إيهاب، سوزان نجم الدين، ياسر على ماهر وهو من تأليف عبد الرحيم كمال، وإخراج بيتر ميمي.
ويتناول المسلسل قصة أخطر فرقة في التاريخ الإسلامي وهي فرقة الحشاشين التي أسسها حسن الصباح.
