شاهد.. إيناس الدغيدي تتلقى عرضا للزواج من "مثلي الجنس": "كويس ومحترم"
كشفت المخرجة إيناس الدغيدي، عن رفضها الزواج من شخص مثلي الجنس، مشيرة إلى أنها تلقت العرض بشكل غير جاد.
الزواج من مثلي الجنس
وقالت، خلال برنامج "أسرار" المذاع على قناة "النهار": "عمرك ما هتتجوزي راجل مش طبيعي، هو كان صديق بره مش عايش في مصر، وأنا بتكلم على إن الجواز في سن معين هو جواز رفقة أو رفيق معاكي في الحياة".
وأضافت المخرجة: "هو كبير مش صغير، وعارف إني أعرف عنه الصفة دي، قالي لو انتي ميهمكيش الحكاية دي أنا ممكن أتجوزك، هو مش مصري وأنا لما أتجوز مش هتجوز واحد كدة، أنا هتجوز واحد طبيعي وإحنا في سن مش بتاع شهوة عدينا سن الدلع واللعب".
وتابعت إيناس: "ضحكت وخدت الموضوع بضحك، هو كان عرض وبيشوف ممكن يكون جد أو مش جد وأنا طبعًا أخدته بهزار، وقلتله لأ الموضوع ده مينفعش خالص ولكن حولت الموضوع من جد إلى هزار".
تفاصيل عرض الزواج
وواصلت الفنانة: "هو لغاية دلوقت متجوزش ولكن هو صديقي لحد دلوقت وهو راجل كويس ومحترم وبيشتغل في الخير وهو عايش في أوروبا والمجتمع الأوروبي بيتقبل ده".
وعن رأيها في تنبؤات ليلي عبد اللطيف والتي يطلق عليها لقب سيدة التوقعات قالت الدغيدي: "أنا مش عارفة مع احترامي لليلى، وعرفتها شخصيًا، ولكن عمري ما قالتلي حاجة واتحققت بأمانة يعني، مش تقليل منها الله أعلم بتجيب الأخبار منين، ولكن أنا اتقابلت معاها في لبنان من زمان أوي، ومفيش حاجة منها اتحققت".
