أحمد موسى يحذر من عودة الإخوان: "عمرهم ما هيبقوا كويسين"
أكد الإعلامي أحمد موسى؛ أن خطر جماعة الإخوان الإرهابية لا زال موجودا، مشيرا إلى أن التنظيم دخل في مرحلة الكمون انتظارا للفرصة من أجل الظهور مجددا.
وقال موسى خلال برنامج "على مسؤوليتي" المذاع على قناة "صدى البلد": "الإخوان تنظيم تكفيري يكفر كل الناس؛ داعش والقاعدة اخدوا التفكير من سيد قطب؛ إرهاب الناس وتخويف الناس فكر جماعة الاخوان الإرهابية؛ تخلصنا منهم بس خلوا بالكم الموضوع مخلصش".
وأضاف: "جماعة الاخوان لم تنتهي؛ ولن تنتهي؛ أنا بقول اللي أنا عارفه واللي انت بتلاقيه موجود؛ الخوف والخطر طبعا لازم أبقي عارف كدة واللي مش عارف كده معندوش قراءة للتاريخ كانوا زي الأيام دي في 2010 و2008 و1987 كانوا كده الكمون تحت الأرض إلى ان تأتي الفرصة جاتله الفرصة ودمر البلد وحرقها".
وتابع: "هذا فرض عين على كل واحد فينا وعلى القيادة وكل واحد مسؤول في البلد أنه لا مكان لجماعة الاخوان ولا حد يتعاطف أو يديهم أن دول ممكن؛ لا مش ممكن؛ اللي بيقول عليهم ممكن دا بيخون البلد؛ اللي قتلك يقتلك؛ اللي قرر ياخد قرار بقتل المصريين ياخد قرار أخر بقتل المصريين".
وأوضح: "محدش في وقت من الأوقات لا مواطن ولا مسؤول يقول أن الناس دي عمرهم ما يبقوا كويسين؛ اسالوا من يعلم ويعرف عنهم الكثير من التسعينيات لحد النهاردة بكل قيادتهم جوة وبرة والحمد لله بفضل ربنا لم أغير موقفي منهم عشان اعلم من هم وخطورتهم على البلد والمجتمع والجيش والشرطة والشعب وعلى الدين قبل هؤلاء كلهم؛ الأخطر على الدين هم اسألوا واللي مش عارف يسأل وناخد بالنا ودا تحدي اخر".
وذكر: "بداية الولاية الجديدة للرئيس السيسي 3 أبريل المقبل؛ الرئيس بني مصر خلال 10 سنوات وأنجز ما لم يتم إنجازه في هذه الفترة القصيرة؛ تتباهي ببلدك في أي مكان نعم؛ عندك صعوبات هنعديها ولكن الست سنين اللي جايين ان شاء الله المواطن أولا بناء الانسان المصري أولا إنفاق كبير جدا على التعليم والشعب المصري يريد أن يستفيد من سنوات الإصلاح التي تحملها بمنتهي الصبر والمساندة لبلده".
واختتم: "الشعب اللي جرب الفوضى والإرهاب مش عايز أبدا ده يحصل في بلده؛ التنمية شغالة والمشروعات شغالة؛ السيد الرئيس هيبدأ من يوم الأربعاء الجمهورية الجديدة من 3 أبريل يوم التلات أداء القسم وهو اخر يوم في الولاية الحالية".
