بيومي فؤاد يوضح حقيقة أزمته مع محمد رمضان بسبب مسلسل الاسطورة
كشف الممثل بيومي فؤاد؛ حقيقة الازمة مع الفنان محمد رمضان على خلفية التصريحات التي نسبت إليه حول مسلسل الأسطورة.
وقال فؤاد في مقابلة مع برنامج "حبر سري" المذاع على قناة "القاهرة والناس": "مقلتش لم يعجبني مسلسل الأسطورة؛ دا كان سؤال اتسألته وكان اعتراضي أن محمد رمضان وعدنا بأني من جمهوره بأني لما اتهم في وقت من الأوقات انه سبب حرب الشوارع والبلطجة بافلامه قالهم حاسبوني بعد شد أجزاء والاسطورة كان بعد شد أجزاء وأنت عملت المسلسل بعد الفيلم وانا كلامي كان انت قلت كذا وعملت كذا".
وتابع: "الفنان الكبير محمد رمضان كتب ساعتها والله وبقى عندك وقت كمان تبقى ناقد خليك في حالتك يا زميلي النحيت؛ والدنيا قامت وأنا معرفش وأنا طول عمري معنديش سوشيال ميديا والدنيا قامت ورمضان اتشتم لغاية ما لقيت تليفون جايلي من صديق بيقول هو في حاجة حصلت بينك وبين رمضان؟ قلتله لا أنا اتسألت ورديت".
وواصل: "أحيان كتير الواحد بيتكلم من قلبه ومش بيكون عارف ان المعني رايح غلط؛ اتفهم الكلام غلط واتقال كذا وفي نجوم كبيرة كلموني وكانوا زعلانين من رمضان وراح رمضان كلمني وقالي والله العظيم تلاتة أنا بهزر معاك حتى لو تاخد كلامك أنا حاطط الكلام على لسان ناصر الدسوقي الشخصية اللي كانت في الأسطورة وعشان اثبت ده تعالي أدعوك للمسرحية واعتذرتله وبعدين رحت المسرحية والراجل قدمني للجمهور واتصورنا".
وأوضح: "تعالي نفترض أني قلت إني قلت لم يعجبني مسلسل الأسطورة؛ محمد رمضان يعزمني على المسرحية مروحلوش؟ هوا دافع عني في الازمة الأخيرة وأشكره".
من جهة أخرى، أعلن بيومي فؤاد مقاضاة بعض الصفحات على مواقع التواصل الاجتماعي، متهمًا إياها بـ"التطاول عليه خلال أزمته الأخيرة الخاصة بمسرحية (زواج اصطناعي)، على خلفية انسحاب محمد سلام منها".
وقال: "اللي شتمني الله يسامحه، لكن اللي عمل دعاية على حسي، وقال البضاعة بتاعته أرخص من بيومي فؤاد فهذا سوف أقاضيه أمام المحكمة".
وتعرض فؤاد إلى حملة على مواقع التواصل الاجتماعي بعد تصريحاته التي انقد فيها زميله محمد سلام الذي اعتذر عن العمل في احدى المسرحيات بسبب العدوان على غزة.
