أحمد موسى عن تكرار الحرائق: "الموضوع مش طبيعي عايزين نعرف السبب"

عبر الإعلامي أحمد موسى؛ عن دهشته من تكرار الحرائق في أنحاء متفرقة من الجمهورية في توقيتات متقاربة، مشيرا إلى أن ما يحدث غير طبيعي على الإطلاق.

وقال موسى خلال برنامج "على مسؤوليتي" المذاع على قناة "صدى البلد": "موضوع الحرايق ده أمر مثير؛ ومحتاجين تفسير؛ النهاردة وقف الفطار في دمياط وفجر اليوم في الإسماعيلية والنهاردة كما في المرج وبقالنا حوالي 10 أيام تقريبا كل يوم عندنا حريق أو اتنين أو تلاتة ودلوقت في حريق في القطامية احدى شركات الغاز".

وأضاف: "موضوع الحرايق ليس بالأمر الهين ولا بد من تفسير دمياط وقت الإفطار ومحلات بتتحرق النهاردة هل ده طبيعي هل سوء أحوال جوية أو درجة حرارة؛ طيب في استوديو الاهرام الدنيا كانت برد ولكن هل دة طبيعي؟ معنديش إجابة".

وتابع: "مزرعة في الإسماعيلية 5 افندنة اتحرقوا فجر اليوم؛ لازم على الأقل يتقال إيه أسباب هذه الحرائق؟ طبيعية خلاص ولكن لو مش طبيعية نعرف إيه السبب والنهاردة حريق في محطة صرف صحي بالمرج وحصل شبه انفجار وبعد كده قالت وزارة البترول أن الموضوع ملوش علاقة بخطوط الغاز ولكن محدش بيطلع بيان يقول يا جماعة إيه الحكاية أو إيه أسباب هذه الحرائق".

وواصل: "أدي القطامية احدى شركات الغاز دلوقت فيها حريق؛ هل ده طبيعي محتاجين إجابة لأن مش معقول في مناطق مختلفة من انحاء الجمهورية تشتغل الحرائق واشتعال الحرائق مهم نبقى مصحصحين ولازم ناخد بالنا؛ كنا في فترة من الفترات وقت الإفطار بنلاقي عمليات إرهابية أو تفجيرات معينة ولكن هل ده مرتبط؟ معنديش معلومة".

وأوضح: "النهاردة بفتح الملف دة واتكلم ايه هي الأسباب لماذا تنتشر الحرائق في أماكن مختلفة من الجمهورية؛ حرائق؛ اما أحنا نشوف المشهد ده لا مشهد بيخلينا لازم نسأل عن أسباب الجرائق في هذا التوقيت تحديدا وليه الحرائق بتحصل؛ تغيرات مناخية؟ الله أعلم؛ حد ليه مصلحة الله أعلم؛ أنا عندي تساؤلات زيي زي كل المصريين".

وذكر: "بقالنا عشر أيام حريق هائل في مناطق مختلفة وده يخليك لازم تسأل ليه؛ ما بين المرج والإسماعيلية والقطامية ودمياط أربع حرايق في وقت واحد؛ دمياط محلات أثاث شوفوا الحرايق عاملة ايه ودي أماكن بتنتشر الحرائق فيها بسرعة؛ ناخد بالنا ونخلي بالنا والناس تبقى مصحصحة ودا اللي أقدر أقوله".

واختتم: "بتكلم على ده لأن الموضوع بقي زيادة بجد ومحتاج تفسير وحد يقولنا ما الذي يجري؛ ايه الحكاية وايه اللي بيحصل ده هل كله صدفة؟ هل كله قضاء وقدر".