أحمد موسى: "الحكومة بتكشر عن أنيابها وعايزة المواطن يستفيد"
أكد الإعلامي أحمد موسى؛ أن رئيس الوزراء الدكتور مصطفى مدبولي اتفق مع اتحاد الغرف التجارية والمصنعين على تخفيض الأسعار بنسبة 15-20% بداية من اليوم.
وقال موسى خلال برنامج "على مسؤوليتي" المذاع على قناة "صدى البلد": "أحمد الوكيل رئيس اتحاد الغرف التجارية أتكلم وقال 15-20% ورئيس الوزراء قاله ماشي بس من بكرة ولكن من بعد العيد 30% على الأقل؛ وإياكم هنزل اللجان كلها من بكرة تلف على مصر كلها وبالتالي الحكومة النهاردة بتكشر عن أنيابها وهذا هو المهم من أجل صالح المواطن".
وأضاف: "أنتوا متخيلين السلع الموجودة في الموانئ بـ 1.7 مليار دولار والناس مش عايزين يخرجوها؛ الحكومة مكانتش قادرة توفر دولار فقررت الحكومة أنها تلغي الغرامات عشان تسهل على الناس؛ رئيس الوزراء النهاردة قال أنا كلمت المالية عشان تصادر البضاعة دي".
وتابع: "رسائل الدكتور مصطفى مدبولي للمنتجين والمصنعين ولكن عايز أقول على الجانب الإيجابي في بعض السلع بدأت تنزل حسب اللي اتقال النهاردة في اجتماع رئيس الوزراء الزيت والفول والعدل والأرز دي أربع سلع بدأت أسعارها تنزل".
وأكمل: "نبدأ نتابع من بكرة؛ رئاسة الوزراء من بكرة نازلين يصوروا ويشوفوا وبالمناسبة دا دورنا احنا كمان لأن قبل كدة اتقال في مبادرات وهنخفض ولكن اتضح أنه مش حقيقي؛ رئيس الوزراء هينزل مجموعات وفرق عمل من مجلس الوزراء وكل واحد هيصور فيديو وابعت الأسعار كانت كام وبقت كام".
وذكر: "الحكومة عايزة تحس أنه استفاد فلوس جاية ومليارات داخلة وفي الاخر يقولك مفيش حاجة نزلت والمواطن عنده حق لأن هو اللي بيدفع؛ يطلع السادة بتوع الغرف التجارية فين فلوس هنا؟ العائد عايز احسه في السلع اللي رايح اشتريها ومن بكره احنا كمان هنتابع الأسعار هل نزلت 15-20% والا لا".
وعقد رئيس مجلس الوزراء الدكتور مصطفى مدبولي، اليوم الإثنين، اجتماعا مع المصنعين والتجار، وتم التوافق معهم على بدء خفض أسعار السلع بنسبة 15 إلى 20% ليصل التخفيض إلى 30 % بعد العيد.
وبحسب بيان صادر عن رئاسة مجلس الوزراء اليوم، وجه مدبولي بنزول فرق عمل من مجلس الوزراء للتأكد من تطبيق خفض الأسعار بالسلاسل التجارية والسوبر ماركت، فيما أكد التجار لرئيس الوزراء انخفاض الأسعار فعليا، وخصوصا الزيت والفول والعدس والأرز.
