أحمد موسى يوضح دلالات زيارة القادة الأوروبيين إلى مصر

أكد الإعلامي أحمد موسى، أن وجود القادة الأوروبيين في مصر اليوم يؤكد على أهمية دول الدولة المصرية بالنسبة للاتحاد الأوروبي.

وقال موسى خلال برنامج "على مسؤوليتي" المذاع على قناة "صدى البلد": "اللي حصل النهاردة في القاهرة لا يصدق بالنسبة لمن كان يرى أن مصر عندها مشاكل؛ ولكن اللي كانوا شايفين مصر طالعة لقدام شافوا الصورة الحقيقة وأن رهانهم على بلدهم هو الحقيقة ولا يسمعوا للأعداء لأن الأعداء لم يتخيلوا المشهد ده النهاردة".

وأضاف: "الرئيس عبد الفتاح السيسي وقادة الدول الأوروبية؛ رئيسة المفوضية الأوروبية ورئيس وزراء بليجيكا ورئيس وزراء اليونان ورئيس قبرص ورئيسة وزراء إيطاليا ومستشار النمسا؛ لا يمكن تتخيل أن دة يحدث في مصر لو لم تكن البلد ماشية في الطريق الصح".

وتابع: "أوروبا مش هتجيلك زي ماهي موجودة كدة يأتي قادة الدول الأوروبية إلى مصر في هذا التوقيت انطلاق لتحرك كبير مع الدولة المصرية؛ رفع مستوى العلاقات إلى الشراكة الاستراتيجية الشاملة؛ يعني كل شيء أحنا وأوروبا مع بعض هنتكلم على استثمارات وتجارة ومكافحة الهجرة غير الشرعية وتدريب العمالة والعلاقات السياسية والدبلوماسية".

وواصل: "دا معناه أن هناك ألان رفع كبير لمستوى العلاقات بين مصر والاتحاد الأوروبي؛ بنتكلم عن رفع العلاقات لمستوى العلاقات الاستراتيجية الشاملة؛ كلهم النهاردة بيتكلموا على مصر أكتر مننا؛ قادة أوروبا بيتكلموا على مصر وشايفين مصر أكتر مننا أكتر من الاعلام المصري والسياسيين المصريين والاشقاء العرب".

وأكمل: "أوروبا تتحدث بصوت واحد وقالوا استقرار أوروبا جاي منين؟ من مصر؛ رئيس الوزراء اليوناني أتكلم على كدة بالظبط وقالك استقرار أوروبا جاي من مصر وأن احنا السبب في أن أوروبا تكون مستقرة؛ الكلام دة وكل كلمة النهاردة محسوبة هو ايه بيحصل في مصر النهاردة؟ مكانش المشهد دة يبقي موجود بدون 10 سنوات من العمل".

واختتم: "بدأت تدخل في مرحلة تكون مصر دولة فاعلة وقطب كبير مش رقم بسيط؛ مصر النهاردة لها كلمة كبيرة جدا لما أوروبا النهاردة جاية معاه؛ المشهد ده محصلش في الشرق الأوسط كله غير في مصر والنهاردة كان يوم قوي جدا وفي أمل والخير قادم بإذن الله".