عمرو أديب عن سعر الصرف: "مشمش بتاع العملة مستني الدولة هتعمل إيه؟"

قال الإعلامي عمرو أديب؛ إن الدولة ربما تنتظر استقرار سعر الصرف في البنوك قبل أن تعيد تسعير ما تقوم بشرائه من الخارج مثل الوقود والسلع الأساسية.

وقال أديب خلال برنامج "الحكاية" المذاع على قناة "أم بي سي مصر": "الدولة تنتظر ان يستقر السعر في البنك ويبدأ في النزول ويكون دولارها اللي بتشتري بيه السلع الأساسية أقل وبالتالي يكون الحمل أقل".

وأضاف: "في تريكه حصلت من أيام الرئيس مبارك لغاية النهاردة؛ اللي بيجرأ أن المركزي لما يلاقي السعر سخن أوي يدخل يبرده؛ الرئيس كان بيتكلم على ما يقرب من 50 مليار وحضراتكم فاكرين لما قلتلكم أصدقاء مصر؛ ومعاك 50 مليار ممكن تسندك".

وتابع: "محافظ البنك المركزي قال إنه ممكن يتدخل عشان السعر ميفلتش؛ والمضار الأول في زيادة سعر الدولار هو الدولة والموازنة العامة؛ الدولة هي اللي بتعمل الدعم وهو دلوقت مستني الأيام الجاية الأمور عنده تهدي شوية وبالتالي يشوف هيعمل تسعير ازاي".

وتابع: "السيد محافظ البنك المركزي قال أنا عملت اللي عليا والباقي بقي يعمل اللي عليه؛ ووأنت بتوقع مع الصندوق قالك على حاجات معينة واضحة وقالك عايزك تصرف في الحدود دي وتعمل المشاريع دي؛ أليه الصندوق لما يديلك جزء من المبلغ ويلاقيك معملتش هيقولك تعاني نقعد".

وواصل: "أنت متفق مع الصندوق فلازم تلتزم؛ زيه زي أي بنك وزي أي مؤسسة مالية ومصر اتفقت أنها هتعمل هذه الأشياء؛ السؤال المهم أنت هتقدر لوقت قد ايه أنت الدولار ده ميعلاش أوي؛ أنا أعلم أن هناك جهات كثيرة تريد أن تدخل معك في مشاريع استثمارية سواء استثمار أو شراء".

وأوضح: "تجربة رأس الحكمة وربنا يبارك في أهل الامارات ودي كانت نقطة تحول؛ اللي عمله محمد بن زايد دا نقطة تحول وابتدا الناس برة يبصوا لو كانت الامارات عملت الاتفاق دة احنا ممكن نعمل زيها؛ زي الماتش أنت لعبت الدول الأول بطريقة وجه الشوط التاني المدرب قالك عشان تكسب لازم تلعب بالشكل ده".

وذكر: "أنت هتوفر ازاي أنت هتوحد الموازنة كل الضناديق والحاجات اللي برة دي ازاي هتزود الصادرات وتحفز الإنتاج؛ الناس اللي بتروح دلوقت عايزة تاخد دولار من البنك بتاخد؟ الإجابة نعم".

واختتم: "مشمش بتاع العملة قاعد مستني كده؛ هو مستعد ياخد منك الدولار بس ميديكش؛ وبياخده ومستني أنك تتكعبل وتاخد من أبو 70 و80 والكل مستني هي الحكومة هتعمل ايه؟".