بعد وفاة نيرة صلاح.. عمرو أديب يهاجم جامعة العريش: "ليه مفيش حد بيحمي"

انتقد الإعلامي عمرو أديب؛ رد فعل جامعة العريش؛ على حادث وفاة الطالبة نيرة صلاح، مشيرا إلى أن إدارة الجامعة فضلت الابتعاد تماما عن القضية.

وقال أديب خلال برنامج "الحكاية" المذاع على قناة "أم بي سي مصر": "الجامعة ولا هنا وبصراحة تصرف غير تربوي غير مسؤول غير تعليمي؛ دي بنتك طيب بعت حد يمشي في جنازتها طيب؛ نحن حتى الآن في انتظار بيان وشيء يقول إيه اللي حصل؟ ممكن يكون حصل أشياء كثيرة هل هي انتحرت هل حد سمها؟ طيب كان في ايه على موبايلها؟ ليه مفيش حد بيحمي وقبل كدة كان عندنا بسنت وانتحرت بنفس الطريقة".

وأضاف: "النيابة واخدة وقتها تحقيقاتها وهيطلعوا الجثة تاني؛ طيب إيه الحكاية إيه الموضوع؛ حادثة مؤلمة ومش عارفين راس من رجلين قبل ما يطلع حد من الجامعة يتكلم؛ ليه الموظفين العامين بيخافوا يتصدوا لأي شيء إحنا بنديلك عيالنا وأنت مسؤول عنهم".

وتابع: "أحيي وزارة الداخلية على إيقاف الضابط والد الزميلة اللي كان معاها المشكلة؛ هناك تعليه جامدة اوي لموضوع الظابط ده رغم أن الموضوع مش موضوعه ده السلوك اللي جوة الجامعة والافترا والصمت الرهيب الموجود جوة مؤسسة حكومية".

وذكر: "الإخفاق في عمل الشيء اللي مفروض يتعمل ليه توقيت ولو عديت الوقت دة خلال لو بكرة جامعة العريش دي اتشحت بالسواد ولا ليها أي لازمة؛ أنت تربوي يا اخي انما طبعا طريقة الموظفين لا مش عايزين مشاكل انما لو من الأول تصديت للموضوع أنت خلاص مش عايز منك حاجة".

وسادت حالة من الغضب بين طلاب جامعة العريش ورواد مواقع التواصل الاجتماعي، بعد إعلان وفاة الطالبة "نيرة"، 19 سنة، عقب نقلها إلى مستشفى العريش العام، الأحد الماضي، بعد شعورها بآلام شديدة في البطن، لكنها لفظت أنفاسها الأخيرة، بسبب تدهور حالتها الصحية.

وذكر الطلاب في منشورات متداولة وجود خلاف بين الطالبة وإحدى زميلاتها في المدينة الجامعية نتيجة مشادة كلامية حدثت بينهما، في وجود عدد من طالبات المدينة الجامعية، وقالت بعض الطالبات إن "زميلتها صورتها خلسة أثناء وجودها في الحمام لإذلالها والتنمر عليها نتيجة المشادة التي وقعت بينهما".