أحد جيران طالبة العريش يفجر مفاجأة: "راحت لوكيل الكلية ومساعدهاش"
أكد إيهاب ثروت أحد جيران نيرة صلاح؛ ضحية جامعة العريش؛ أن الطالبة تعرضت إلى ابتزاز من زملائها قبل وفاتها.
وقال ثروت في مداخلة مع برنامج "الحكاية" المذاع على قناة "أم بي سي مصر": "اللي حصل أن والدها كلمها وبعدين اتصلت بولدتها وقالت أنا نازلة مع اصحابي وهي شروق وطه وحد تالت؛ والدتها وهي بتكلم معاها رجعت وبعدين قالوا".
وأضاف: "واحدة اسمها مس هناء رنت على والدتها قالتها بنتك في حالة خطرة ولازم تيجي دلوقت راحت ودخلوا المستشفى وبيقولوا بنتك على الأجهزة وكانت حالتها صعبة وجابولها التقرير وبيقول هبوط حاد في الدورة الدموية بسبب مادة سامة وسألوه عايز تعمل محضر قال لا عايز ادفن بنتي".
وتابع: "حد من صحابها نزل سكرين شوت للجروب والكلام اللي كان بيتقال واحنا اضطرينها نمسك التليفون بتاعها؛ أنا مصور الموبايل بتاعها ومنزل كل الكلام؛ وهي بتتأسف لشروق دي؛ المصيبة أنها كلمت كذا صاحبة أنها تساعدها وكله بيقولها أنت مع نفسك؛ كانوا بيهددوها أنهم ينزلوا صور ليها معرفش جابوها منين".
وواصل: "شروق دي أبوها رائد وأهلها واصلين؛ البنت خافت ومن ارياف واحنا مش قد الناس دي منعرفش نعملهم حاجة؛ اللي موجود في التنمر واحد اسمه يوسف وطه وشروق وواحدة اسمها ندى؛ وقعدوا يقولوا كلام بزي وتنمر وعك في عك وملقتش حد يساعدها؛ وهما نزلوا وهي نزلت معاهم عشان تفض الحوار".
وأوضح: "وكيل الكلية نزل قال للطلبة ممنوع حد يتكلم عن الحوار نهائيا والاسكرينات موجودة بالأكاونت بتاعة وهي راحت للوكيل ومعملش حاجة".
من جهته أكد محمد الزعبي؛ عم الطالبة الراحلة أنهم يريدون التوصل إلى حقيقة وفاتها مؤكدا أنهم لا يمانعون في استخراج الجثمان وإعادة تشريح الجثة.
وأكمل: "أيوة عايزين نستمر في التحقيق عشان نجيب حق بنتنا ومكناش نعرف حاجة ألا بعد ما دفنا؛ ابوها وامها عايزين حقها؛ قدمنا بلاغ للنيابة؛ لما راحوا المستشفى قالتلهم دي حالة انتحار ودي مش حالة انتخار دا تسمم وكانت صايمة؛ اكيد اتحط لها حاجة في أكل أو عصيلا".
واختتم: "التقرير بتاع المستشفى مكتوب فيه هبوط حاد في الدورة الدموية؛ أنا بنطالب صوتنا يوصل أن حق بنتنا يجي".
