إعلامية تنصح المواطنين بعدم الشراء: "استنوا شوية الحاجة هترخص"

أكدت الإعلامية عزة مصطفى؛ أن هناك تراجع مرتقب في أسعار أغلب السلع بعد اعلان صفقة مشروع رأس الحكمة.

وقالت مصطفى خلال برنامج "صالة التحرير" المذاع على قناة "صدى البلد": "شوفنا من ساعة قصة رأس الحكمة والاسعار في النازل؛ ويوم بعد يوم الأسعار في النازل؛ النهاردة عندنا سلع كتير اوي نزلت؛ في سلع نزلت بالافات زي الحديد؛ الحديد اترزع 14 ألف جنيه في يوم واحد".

وأضافت: "قريت تصريح للمهندس أحمد عز وقال إنه احنا بنعيد حساباتنا تاني عشان نحط التسعيرة الجديدة؛ نقيب الفلاحين قال لغاية دلوقت في 10% تراجع في أسعار اللحوم وهتنزل أكتر؛ الدهب مكمل في التراجع ونزل إلى 2880؛ الدهب نزل لدرجة تجار الدهب وقفوا البيع أصلا".

وتابعت: "شعبة الأجهزة الكهربائية بتقول الأسعار هتنزل كمان في خلال أسبوعين؛ وطبقا لكلامهم بيقولوا زيادة أسعار التلاجات والبوتجازات والحاجات دي كان مبالغ فيها جدا؛ وهما بيقولوا أنها هتنزل كمان 15 يوم وكلامهم منطقي لأن حركة الشغل والبيع وأنه اشترى بالغالي ولازم يبيع؛ السوق هيفرض أن أسعار الأجهزة تنزل".

وواصلت: "أنا بقول لحضراتكم طبقا لدة؛ الأسعار نزل وأنا حكيت لكم لسة هتنزل ودا رأي ناس كتير؛ اللي مش مستعجل على حاجة يشتريها يهدي شوية؛ استنوا شوية ولو نعرف نتعامل بفكرة الغالي ميلزمناش يبقي أفضل؛ في ظروف هتضطرك أنه مفيش مفر مش هينفع تنتظر خلاص ولو ينفع تنتظر مهلا الأسعار هتنزل".

وفور الإعلان عن صفقة رأس الحكمة؛ تراجع سعر الدولار في السوق السوداء ثم الذهب ثم كثير من السلع مثل الحديد والاعلاف والزيوت وغيرها.

ويرى خبراء أن انخفاض سعر الدولار في السوق الموازية سيدفع أسعار السلع إلى التراجع إلا أن هذا التراجع يحتاج بعض الوقت.

وتستغرق دورة حياة السلع منذ استيرادها حتى بيعها في الأسواق فترة تمتد لنحو شهر إلى شهرين، وحتى يتم عكس هبوط سعر الدولار فإن الفترة قد تحتاج بين شهرين وثلاثة أشهر

وكانت الحكومة قد أعلنت أمس تخصيص 1.3 مليار دولار من اجل الافراج عن السلع الأساسية الموجودة في الموانئ وهو ما سيزيد المعروض في السوق.