وفاة الدكتور هاني الناظر
رحل طبيب الإنسانية.. مواقف مؤثرة للدكتور هاني الناظر يرويها رواد السوشيال ميديا
تصدر الدكتور هاني الناظر منصات السوشيال ميديا وذلك بعد وفاته، وقد دون العديد من رواد السوشيال ميديا مواقف إنسانية له.
وفاة الدكتور هاني الناظر
قال أحمد جلال:" الدكتور هاني الناظر في ذمة الله.. روحت العيادة عنده اكتر من مرتين.. حالات مقتدرة والله وجايين من بلاد تانية بياخدوا مواعيد لأسابيع وشهور جاية.. بس لما بتجيله حالة غير مقتدرة بتدخل من غير أي مواعيد بيستقبلها بابتسامة لطيفة وذوق.. ربنا يفتح ليك أبواب الجنة يا دكتور زي مافتحته في وش الغلابة.. إنا لله وإنا إليه راجعون".
وقال محمد فارس:" وفاة الدكتور هاني الناظر دكتور الأمراض الجلدية ورئيس المركز القومي للبحوث الأسبق رجل عاش حياته كطبيب مؤمن برسالة الطب الحقيقية انه مش تجارة وإن هدفه تخفيف آلام الناس. كان بيرد على آلاف التعليقات مجانًا ويشخص الحاله ويكتب العلاج وعلى طول ينزل روشتات علاج حالات معينة عشان يوفر على الناس ثمن الكشف. ده غير آلاف الناس اللي عالجهم في عيادته مجانًا. وحتى في عز مرضه في أيامه الأخيرة كان بمجرد ما يحس انه قادر يكتب ويساعد الناس ويعالج ولو حالة واحدة كان بيعمل ده. رحل دكتور هاني الناطر ولكن عمله هيفضل موجود وعمله اللي ينتفع به هيفضل اثره باقي. ادعوا له بالرحمة من قلوبكم لانه يستاهل ده مننا"
وسبق أن أعلن الدكتور محمد الناظر منذ قليل، وفاة والده الدكتور هاني الناظر ونشر عبر حسابه على فيسبوك: إنا لله وإنا إليه راجعون، توفي إلى رحمة الله والدي الدكتور هاني الناظر.
معلنًا إقامة صلاة الجنازة اليوم الخميس، في المجمع الإسلامي بالشيخ زايد بجوار مستشفى زايد التخصصي بعد صلاة العصر.
