عمرو أديب عن تراجع الدولار: "في انتظار اللقاء التاريخي مع سعر البنك"
علق الإعلامي عمرو أديب، على تراجع الدولار في السوق السوداء خلال الأيام الماضية، مشيرا إلى أن استمرار التراجع هو المهم.
وقال أديب خلال برنامج "الحكاية" المذاع على قناة "أم بي سي مصر": "أنا راجل بتاع سوق؛ سؤال هل بكرة وبعده هيمسك في الرقم دة؟ معرفش وأنا عشان اتعامل معاه في الخمسينات وأقول أيه العظمة دي لازم أشوفه ماسك المنطقة دي على الأقل أسبوع على الأقل مش اللي هو ينزل النهاردة ويطلع بكرة وملحقناش الأسعار وهيقولك مهو نزل وطلع أهو".
وأضاف: "لما تسألني اللي أنت شايفه ده ايه؟ عظيم واللي عمل ده الله ينور ولا يفرق معايا اتعمل ازاي لكل هل هتعرف تمسكه كده كتير؟ الحاجز النفسي الأن هو كسر الخمسين وأنا رأيي أن الخطة الموجودة أنه الأيام القادمة ودا رأيي أن انت قدام الأيام القادمة سعر جديد رسمي في البنوك المصرية".
وتابع: "الشغل اللي بيجرا دلوقت ايه؛ عشان الحلو دة ينزل من هنا والحلو دة يطلع من هنا في لقاء تاريخي؛ يبقي الفارق بين السعر في البنك والسوق السوداء قريب فتبتدي الأمور تمشي لأن موضوع المرونة واضح أنه جاي وتم الاتفاق عليه؛ أنا تقديري لو نزل الدولار تحت الـ 50 وطلع في البنك شوية وقربوا الاتنين من بعض هيبقي في انجاز عظيم".
وواصل: "ايه اللي مانع هذا اللقاء التاريخي بين سعر السوق السوداء وسعر البنك الرسمي؟ في ناس عندها مدخرات بالدولار ولقي أن السعر بينزل وبدأوا يرموا اللي موجود معاهم في السوق؛ هل هو هينزل تاني معرفش؛ هل هو هيطلع تاني معرفش أنا عمري ما بدي نصيحة لحد في هذا الأمر".
وأوضح: "أملي أنه ينزل تحت الـ 50 ولكن ايه المانع والحاجة اللي تعمل مشكلة؛ لو الأمور هديت شوية وفضلت هادية كدة ممكن الأسعار على الأقل تثبت ويبتدي الامر يهدي؛ أنت كتاجر ابتديت الأسعار القديمة وبتجيب سعر جديد والحياة تبقى هادية شوية".
واختتم: "ايه اللي يحصل؟ أولا نمرة واحد انتظر السوق غدا؛ هل هيمسك في الخمسينات ولا هيرد فوق شوية هل يكسر تحت الـ 50 معرفش؛ هيفضل في طلب على الدولار؛ عندك دولار تديهولي ولا أروح لمشمش مرة أخرى؛ انت عندك اتجاهين أولا مشمش وتوفير الدولار في السوق المصرفية".
