خيري رمضان يعلق على قرار شركات السياحة وقف حجوزات العمرة

علق الإعلامي خيري رمضان على قرار شركات السياحة وقف حجوزات السفر لأداء العمرة خلال شهر فبراير المقبل بسبب أزمة العملة الأجنبية.

وقال رمضان خلال برنامج "مع خيري" المذاع على قناة "المحور": "فوجئنا بشركات السياحة المصرية تقرر بعضها إيقاف العمرة لمدة شهر؛ هذه المرة التالته اللي بتكلم في الموضوع؛ مش انا بقي ومحدش طلع لشركات السياحة وقالها حرام دا الفرصة الوحيدة لتوبة الناس".

وأضاف: "شركات السياحة قالت لا يوجد سعر عشان الناس اللي قالولي مناخد جنيهات مصرية ونبدلها من هناك؛ العمرة واي سفر للخارج بيتعامل بعملة البلاد ومينفعش نطلع جنيهات مصرية من داخل البلاد القانون يمنع هذا والفلوس تحول وشركات العمرة بتجيب الفلوس من السوق السوداء عشان كدة شركات العمرة قالت احنا هنوقف شهر فبراير ومفيش عمره ليه ياجماعة قالت مفيش سعر ثابت للجنيه المصري والريال السعودي في السوق السوداء بـ 16 جنيه ومش عارفين السعر هيبقي فين".

وتابع: "هل يجوز لشركات السياحة كما فعلت في كورونا أنها تقول مفيش عمرة هل أخطأت هل ارتكبت جريمة؟ لا النهاردة شركات الراجحي وقفت التعامل بالجنيه المصري شراء وبيع لأن السعر غير ثابت وقالت لما نشوف السعر هيوصل لفين نبقى نتكلم؛ اهو جاية من غيرنا السعودية تاخد قرار زي دة أه تاخده مصلحتها مصلحة الشركات تعمل كدة والبنوك تعمل كدة".

وواصل: "أنا بعض اللي هاجموني وأنا بحترم كل رأي محترم؛ انا طرحت فكرة وقلت ياجماعة نوقف العمرة سنة وقالك أنت عايز تمنع الناس عن التوبة مين قالكم كدة؟ هو ربنا قال لا توبة إلا في الأرض المقدسة التوبة مفتوحة في كل مكان احنا بنروح عشان نستمتع ونسلم على سيدنا النبي".

وذكر: "هي متعة حقيقة ولكن إن كان فيها مصلحة الناس فيجب أن نسعى لمساعدة الناس وهذا جاء من الشركات ومجاش مني".

واقترح "رمضان" في وقت سابق، إيقاف العمرة لمدة عام لتوفير العملة الصعبة، معقبًا: "مش هنروح النار لو معملتش عمرة السنة دي".

كما اقترح أن يكون الحج هذا العام في أضيق الحدود لمن لم يحج، متابعًا: "في ناس بتسافر مرة واتنين وتلاتة وفي ناس مش لاقيه تأكل، أنا كدولة أمنع العمرة هذا العام، والحج يكون في أضيق الحدود لمن لم يحج، هي دي قبضة الدولة أن تساعد هذا الشعب على العيش".