"حقي هاخده".. صلاح محسن يعلق على فضيحة التسريبات ويكشف تفاصيل أزمته مع زوجته
اعتذر صلاح محسن لاعب النادي الأهلي، على ما بدر من زوجته حول نشرها شات وصور وتسريبات من صفحته الشخصية، مشيرا إلى أن الخلافات الزوجية مكانها ليس السوشيال ميديا.
وقال صلاح محسن عبر صفحته علي موقع انستجرام: في البداية بعتذر لكل الناس عن الحاجات اللى انتشرت دي وانا مش هاعلق غير بحسبي الله ونعم الوكيل.. الخلافات الزوجية عمر مكانها ما كان السوشيال ميديا والخلافات دي كانت من فترة وحساباتي كانت معاها وللأسف محادثات اتفبركت لتشويه صورتي وبغرض الانتقام والقضاء على مستقبلي في كرة القدم.
وأكمل صلاح محسن عن نشر زوجته تسريبات وصور وشات: في حاجات كتير مش هينفع أتكلم فيها لأنها مهما كانت أم ولادي ومش ومش هتكلم دلوقتي احتراما للناس واحتراما لأنها كانت في يوم من الأيام أقرب الناس ليا وأنا بعتذر بالنيابة عن بيتي لكل الناس لأن الخلافات مش مكانها السوشيال ميديا وحقي هاخده بالقانون وأنا مركز في مستقبلي من زمان ومركز جدا في تمريني وبجتهد لأن طموحي كبير جدا وعمر الحاجات دي ما هتوقف طموحي حتي لو كان غرضها كدا فدي محنة كبيرة وصدمة ليا بس في الآخر حقي هاخده وعند الله تجتمع الخصوم.
وأشار صلاح محسن إلى أنه منفصل عن زوجته منذ فترة، وقال: الانفصال بيني وبين الأستاذة اللى كانت في يوم من الأيام مراتي وهي أم أولادي كان من فترة واللى حصل غرضه تشويه صورتي والقضاء على مستقبلي.
