صندوق أصدقاء مصر.. عمرو أديب يقدم مقترحا لحل الأزمة الاقتصادية
أكد الإعلامي عمرو أديب؛ أن الوضع الاقتصادي في مصر صعب مشيرا إلى أن الدولة تحتاج إلى أموال من الخارج من أجل مواجهة تداعيات الازمة الاقتصادية.
وقال أديب خلال برنامج "الحكاية" المذاع على قناة "أم بي سي مصر": "أنا بتاع نتايج مش بتاع أسباب؛ أنا مستغرب من حالة الدهشة ايه ده هو بقا بكام معقولة وصلنا للرقم ده إيه التصنيف ده؛ الحالة بتاعة الدهشة المستمرة دي يجب ان تنتهي".
وأضاف: "الوضع دة مستمر شوية ويجب ان تعلم هذا الأمر؛ لا هيبرد نارك ولا يحل المشكلة أنك ترمي المشكلة على وزير أو تشتموا وزارة؛ الحل والاثبات موجود في السوق أنزل السوبر ماركت؛ يجب أن نتعامل مع هذا الامر أنه مستمر شوية".
وتابع: "الحكومة قالت احنا عاملين وثيقة الدولة للحل ونعملها حوار مجتمعي طيب هو الحوار الوطني عمل ايه يعني؟ الناس في حتة تانية وثيقة ايه اللي هتعملها حوار مجتمعي؛ يجب أن يعلم القاصي والداني أن هذا الامر لن يحل الان ولا السنادي".
وواصل: "الناس اللي عندها أزمات اقتصادية هتحلها في شهرين؟ في حقيقة الأمر أن هذا الوضع مستمر وفي الناس اللي قاعدين للدوار لحظة بلحظة وثانية بثانية وكل الناس اللي كانوا بيقولوا يا عميل دلوقت بيقولوا وصل لكده ازاي".
وأوضح: "المواطن العادي ملوش دعوة بوثيقة الدولة وأنا مشفتش نتيجة لحاجة الحكومة دي اقترحتها ومشيت؛ جايز المردي تمشي؛ بس بردو بقولك لا تنتظر الأن؛ أنا معرفش تعمل ايه وكل الناس اللي بتكلم مع الناس مبتقولش نعمل ايه".
وأكمل: "هذه الأمور حلها يأخذ وقتا؛ الدول مبتتحلش أزماتها باللايف كوتشنج ولكن بوجود فكر اقتصادي مالي؛ الموضوع مش هيتغير غير أما تغير الفكر؛ هل اللي بقوله دة غريب أو مش منطقي؟ ما هو تعريفك لانخفاض الدولار مش أنت بتقولي هينخفض؟ هينخفض لفين؟ الكلام دة تقولهولي وهو بـ 37 والنهاردة وهو بـ 60 ولما تعمل انتصار وينخفض هيبقي بكام؟ 48-49 هل دة رقم عظيم؟".
وذكر: "الأمور واضحة واللي احنا قلناه أن فجأة تطلعلك حاجة زي الشبح بتاع قناة السويس؛ أنا مش فاهم الناس بتكلم على فلوس المصريين بالخارج؛ ياجماعة دول معيشين ملايين هنا أنت مستكتر عليه الفرق؟ حقيقة الامر دلوقت مفيش".
واختتم: "لن يحل الامر الأن إلا أموال قادمة من الخارج لازم يجي فلوس من برة أنت دلوقت شغال مع الصندوق على ستة مليار بس أنت عارف الفلوس دي بتاخدها على أقساط أنت لازم يبقي عندك حاجة اسمها أصدقاء مصر ناس يقرروا يقعدوا مع بعض ويعملوا صندوق ما عشان يدعمك غير كدة أنت لا تستطيع أنت لازم تعمل حاجة تجيب فلوس".
