أحمد موسى يكشف تفاصيل خروج مجموعة الشايع الكويتية من مصر

طالب الإعلامي أحمد موسى الدولة بالعمل على حل أزمة الدولار، مشيرا إلى أن الوضع الحالي يتسبب في مشكلات كبيرة.

وقال موسى برنامج "على مسؤوليتي" المذاع على قناة "صدى البلد": "مجموعة الشايع الكويتية واحدة من أكبر الشركات التي تستحوذ على عدد من العلامات التجارية؛ عندهم قرابة الـ 100 علامة تجارية في مصر".

وأضاف: "النهاردة المجموعة قررت إغلاق بعض متاجرها داخل مصر وهناك لابد أن أتوقف عشان بلدنا؛ لازم نجد حل لموضوع الدولار لأن ده كان سبب رئيسي أن هذه الشركة تغلق بعض علاماتها التجارية في مصر".

وتابع: "الدولار سبب رئيسي رقم واحد ورقم اتنين لابد من استقرار العملة؛ لأن في كمان شكوى من بعض الناس قالك استثماراتي في مصر بالدولار ويكون العائد بتاعي بالجنيه المصري والجنيه مش ثابت أمام الدولار؛ حتى لما بتروح محلات الملابس مش عارفين يدخلوا البضاعة بتاعتهم".

وأوضح: "كل دة ادي إلى صعوبات للعلامات التجارية في مصر أنت معندكش تدبر الدولار تستورد الملابس والا الأدوية أكيد الأولوية للأدوية؛ في أولويات هي الاكل والدواء؛ اللبس نأجله شوية فاللي موجود عندك بيكون عنده مشكلة".

وواصل: "كنت بكلم احد المسؤولين؛ قالي هذه المجموعة كان عندها خطة طموحة لتوسيع الاستثمارات في مصر؛ ولكن مع الازمة الاقتصادية الحالية هيقفلوا بعض العلامات التجارية ولكن مش هينسحب من مصر".

وأوضح: "الشركة الأم لهذه العلامة التجارية عندهم مشاكل؛ ودي رسالة ليست إيجابية لأي حد ولازم نشوف الوضع دة نعالجه ازاي لأن بعد ما كانت مستثمر عنده خطة طموحة للتوسع أصبح في بعض المحاذير".

وأكمل: "لازم سريعا الخطط بتاعتنا الموضوع كله نلف وندور على الدولار؛ أزمة الدولار ولابد من استقرار سعر الصرف؛ بتلاقي النهاردة تجاوز الـ59 جنيه للدولار في السوق السوداء وهو ضعف الموجود في البنك ودي المشكلة وأي حد النهاردة تقوله دبرلي دولار".

وذكر: "بعض الشركات النهاردة بتنظم رحلات ويقولك دبرلي دولار وبعض الشركات بتبيع منتجات ليها في مصر بالدولار؛ هو دة ممكن يحصل في أي بلد غيرنا؟ لا يمكن ابدأ طيب ايه الحكاية مش قادر أوقف الثغرة دي".

واختتم: "يعني أنا في لندن مثلا يجي يقولي اشتري بالدولار؟ هو حد بيتعامل هناك غير بالجنيه الإسترليني؛ مسألة أن يبقي عندك هنا سعر وهنا سعر؛ عندي مشكلة لازم نشوف لها حل".