تفاصيل تحركات الدولة لضبط سوق الذهب
أكد الإعلامي أحمد موسى، أن هناك عدد من الأجهزة المعنية في الدولة التي تعمل حاليا على إصلاح سوق الذهب، مشيرا إلى أنه كان يعاني من تلاعب خلال الأيام الماضية.
وقال موسى خلال برنامج "على مسؤوليتي" المذاع على قناة "صدى البلد": "حضرتك تكون مطمئن تماما اللي بيلعبوا في سوق الدهب أو اللي بيعملوا قصة في الدهب أجهزة الدولة عاملة شغل على أعلى مستوى؛ الناس اللي عمالين يضاربوا في الأسعار الدولة متابعة هذا الموضوع لأن في الاخر في حاجات بتحصل غير طبيعية".
وأضاف: "كنا عاملين حلقة الأسبوع اللي فات مع مستشار وزير التموين وقال اللي بيحصل في سوق الدهب غير طبيعي؛ الدولة يقظة وعملت إجراءات ووجهت ضربات قوية هيكون ليها تأثير في سوق الدهب؛ عندي معلومات وفيديوهات ولكن دة مش وقته قد يكون غدا".
وتابع: "في شغل كامل في الملف دة وحبيت أطمنكم لأن كان في عبث بيحصل والعبث اللي بيحصل لازم يتوقف ويتعرف أصله أيه؛ البعض بيربط بالأسعار العالمية ولكن كان بيحصل عندنا فجأة؛ الناس شغالة وهيجيبوا الحكاية كلها الأمور لازم تنضبط سواء دهب أو دولار".
وواصل: "النهاردة عندك حاجة مش طبيعية هو ايه الموضوع؟ أجهزة الدولة كلها صاحية ومتابعة وخدت إجراءات وهتجدوا ان شاء الله أسعار في الطبيعي زي أي دولة مفيش حاجة اسمها حد يتحكم في السوق واللي شفناه في الفترة اللي فاتت كانت أمور غير طبيعية".
وأوضح: "الغلط بيصلح دلوقت وكل من يرتكب أي خطأ يتحاسب؛ الدولة تاخد إجراءاتها لصالح الوضع الاقتصادي وإن شاء الله الأيام اللي جاية هتسعموا حاجات كويسة في هذا الاتجاه".
وكانت أنباء قد ترددت عن إلقاء أجهزة الأمن القبض على أحد أشهر بائعي الذهب بمنطقة الصاغة التابعة لمحافظة القاهرة، لاتهامه بارتكاب مخالفات جسيمة خاصة بالذهب.
ووفقا لشهود عيان فأن المتهم يلقب بإمبراطور الذهب في مصر، ويمتلك العديد من محلات الذهب التجارية على مستوى الجمهورية، ومن الأشخاص المؤثرين في سوق الذهب بمصر.
وذكرت مصادر أنه عثر بحوزة المتهم على كمية كبيرة من الدولارات داخل أحد محلاته التجارية بمنطقة الجمالية.
