مصطفى بكري يوجه رسالة إلى الرئيس: "احنا محتاجين للتغيير"

أكد الإعلامي مصطفى بكري؛ أن الرئيس عبد الفتاح السيسي؛ أن الشعب المصري واعي مشيرا إلى أنه وقف وقفة رائعة خلال الانتخابات الرئاسية.

وقال بكري خلال برنامج "حقائق وأسرار" المذاع على قناة "صدى البلد": "الناس في مرحلة قبل الانتخابات الرئاسية كانت بتعاني وتعبانة والرئيس قال أكتر من مرة أنا شايف وعارف الشعب بيعاني وأن عندنا مشكلة اقتصادية".

وأضاف: "هذا المشهد دفع الرئيس عبد الفتاح السيسي أن يكلف الأجهزة المعنية بالإعداد لفترة مستقبلية جديدة؛ أنها تحط استراتيجيات لست سنوات قادمة وشفنا دة في الاستراتيجية المتعلقة بالاقتصاد والمحاور الأساسية اللي طرحها".

وتابع: "هل لكلام ده بيتحقق على أرض الواقع؟ هل هنقدر نشغل 7-8 مليون زي ما بتقول الاستراتيجية؛ هل هيوصل معدل النمو من ستة إلى 8% هل هنقدر ننزل بمسار التضخم من 35.5% إلى 5% ولو عملنا ده هنبقي أبطال".

وواصل: "لازم نعرف قدر مصر وحجم مصر وتأثير مصر على الساحة الدولية؛ لو عايزين نعرف دة نقرأ تقرير بلومبرج اللي قال إن مصر ركيزة أساسية في المنطقة؛ الشعب المصري أثبت أنه شعب مسؤول وواعي ولولا وعيه مكانش وقف في الانتخابات الرئاسية؛ الشعب المصري قال إن المرحلة دي مرحلة القائد اللي وثقنا فيه".

وأوضح: "القائد اللي أنقذ مصر وهمه على البلد ليل ونهار؛ بس القائد عايز 100 قائد حواليه عايز ناس تعارضه؛ احنا اتكلمنا عن المشروعات القومية الكبرى وكنا محتاجين قائد يعمل صرف صحي في البلد ويوفر مياه الشعب ويعمل مركز شباب وعشان كدة فلسفة حياة كريمة كانت فلسفة قرن محدش عملها".

وواصل: "لما أجي أطبق على أرض الواقع؛ النهاردة عملت مرحلة أولى وعندي عثرات في المرحلة التانية وبنحاول نلم من هنا وهنا طيب ليه ما كانت ممكن نقول يا حكومة للسيد الرئيس خلينا نخلص الأول مشروعات الصرف الصحي ونحط مثلا 500 مليار جنيه في مشاريع تانية تخف الضغط".

واختتم: "احنا يا فندم محتاجين التغيير؛ احنا املنا فيك كبير أنت مرجعتينا وأنت الأساس وأنا بخاطبك من قلبي وأنا تاريخي يشفعلي أنا لا شمال ولا يمين".