أحمد موسى عن تجاوزات بعض اللاجئين ضد مصر: ا"للي شتم ميقعدش"
أكد الإعلامي أحمد موسى؛ أن على المجتمع الدولي أن يتحمل مسؤولياته بخصوص اللاجئين الموجودين في مصر والذي يقدر عددهم بـ 9 مليون.
وقال موسى خلال برنامج "على مسؤوليتي" المذاع على قناة "صدى البلد": "المجتمع الدولي النهاردة عليه مسؤولية؛ أنا بتكلم عن 9 مليون بيمثلوا حجم 3-4 دول؛ أنا بستضيفهم ولم تصدر أزمة لاي حد في العالم ومصر الدولة الوحيدة التي لم تقم فيها خيمة واحدة؛ بياخد شقة زيك زيه وبيستخدم كل شيء".
وأضاف: "بتكلم عن احصائيات مذهلة تتحول إلى أرقام في موازنة الدولة؛ الأرقام بعشرات المليارات؛ وزير الصحة يقول السرير في المستشفى بيتكلف طيب انا محتاج كان سرير لـ 9 مليون؛ محتاج كام فصل لولاد الـ 9 مليون من أول رياض الأطفال إلى الثانوية العامة".
وتابع: "الدولة اتحملت قد ايه؟ هل حملتهم زيادة؟ التعليم الجامعي هل دخلته أكتر من المواطن المصري؟ الإجابة لا؛ والخدمات اللي بتقدم من وزارة التضامن والجمعيات الاهلية؛ طيب وزارة النقل أنا دافع مليارات في وسائل النقل الحديثة وأنا بديكم نماذج عشان تعرفوا درجة تحملنا قد ايه".
وواصل: "عندي 10 مليون واحد زيادة بياكلوا كل يوم وبيشربوا مواطن وانسان عايش وكل حاجته موجودة؛ أما أقول مخزون السلع 6-7 شهور طيب لو معنديش الـ9 مليون الـ 6 شهور هيبقوا سبعة او تمانية".
وأوضح: "في أرقام وتكلفة تتحملها الموازنة العامة للدولة المصرية بدون ما حد في المجتمع الدولي قربلنا ولا قال حاجة ولا قلنا لحد أعمل زي ما بعض الدول طلبوا عشرات المليارات من الدولارات؛ لما الدولة ووزارة الداخلية بقالها كام شهر مطلعة قرارات يا جماعة اللي موجودين وفق أوضاعك يا جماعة الاقامات ياجماعة".
وأكمل: "النهاردة لازم كل واحد يروح وفي إجراءات لازم تتعمل؛ هو أي دولة سداح مداح؟ وأما كل مواطن مصري يدافع عن أمن بلده وسلامتها وأن كل مواطن موجود على ارض مصر يكون ليه وضع قانوني يتشتم؟ مش عيب تشتموا المصريين؟ مش عيب تتريقوا عليهم وانا هنا كل واحد تطاول على بلدي على مصر؛ متشافين وفيديوهاتهم موجودة ودول ميقعدوش في بلدنا".
واختتم: "العالم كله بيعمل كدة ودول عربية شقيقة قافلة تماما لا تستقبل احد؛ ليهم ناس قاعدين في دول ميقدرش يبعت يجيبه زيارة أو دعوة؛ البعض يشتم الناس ويشتم البلد وفي الاخر أقعده؛ اللي شتم وتطاول على مصر ميقعدش".
