أحمد موسى يطالب المواطنين بالحصول على سلعهم التموينية: "خد حاجتك بالكامل"

أكد الإعلامي أحمد موسى؛ المواطنين بالحصول على سلعهم التموينية التي حددتها لهم الدولة مشيرا إلى أن المنفذ أو البقال التمويني الذي ينكر وجود السلع لديه يعتبر فاسد.

وقال موسى خلال برنامج "على مسؤوليتي" المذاع على قناة "صدى البلد": "السلع بتاعتك موجودة أوعى حد يضحك عليك؛ طالب بحقك ليك سكر خده متسيبوش؛ لو مش موجود عنده بلغ لأن السلع دي بيخدوها كلهم والا مفيش عنده يبقى خدها".

وأضاف: "خد حاجتك بالكامل سلعة اتنين تلاتة أربعة الدولة موفراهم لحضرتك بالدعم اللي حضرتك عارفه؛ كل فرد ليه 200 جنيه يخدهم؛ حاجتك موجودة والسكر موجود والرز موجود وملكش علاقة بالحر اللي برة عشان في مخزون استراتيجي".

وتابع: "الدولة شغالة وحريصة وموجودة ودا الدعم الكبير اللي الدولة بتشتغل عليه طول الوقت؛ عارفين دعم رغيف العيش كام في الموازنة الحالية؟ 91 مليار جنيه؛ الأرقام دي مكانتش موجودة بس موجودة النهاردة وهو ده الدعم".

وأكمل: "لازم نبص على المنظومة الخاصة بالتموين لأنه في ناس حصل طبعا تنقيه الكام سنة اللي فاتو ولكن مهم أن نراجع مسألة التنقية والمستحقين لأن أنا في الاخر والدولة عايزة الدعم يروح لمن يستحق الدعم".

وأوضح: "في ناس مازالوا بيخدوا دعم لا يستحقوه وفي مواطن يستحق الدعم مبيخدوش؛ يبقي أنا عايز أعمل التنقية واصل للارقام الحقيقة وأي حد لا يستحق الدعم يتشال؛ ونشوف الناس اللي يستحقوا أن احنا نضيفهم النهاردة".

وواصل: "اروح لاضافة مواطنين اخرين يستحقوا أنهم يحصلوا على هذا الدعم والدولة تزود هذا الكلام والرئيس ما في يوم الا بيتكلم عن المواطن؛ تاني بتكلم لازم نراجع المنظومة دي أيضا مش عيب والاخطاء واردة مفيش منظومة 100%".

وذكر: "الموضوع مفيهوش مجاملة لشخص؛ تلات اربع شهور معروفين ولها ضوابط وطبق الضوابط على الكل وحان الوقت أننا نتكلم في هذا الأمر والناس في أمس الحاجة لأنها تجد الدعم ويدخل في منظومة التموين لأن معندوش يشتري".

وتدعم الدولة 70 مليون مواطن بالحصول على الخبز المدعم بسعر 5 قروش للرغيف الواحد فيما تدعم 64 مليون مواطن أخرين بالسلع التموينية.