أحمد موسى بدافع عن محمد صلاح: "ملوش في السياسة ويتعرض لحملة إخوانية"
أكد الإعلامي أحمد موسى؛ أن النجم المصري محمد صلاح يتعرض إلى إلى حملة من عناصر جماعة الإخوان الإرهابية، مطالبا المصريين بدعمه لأنه فخر لمصر وليس شخصا سياسيا كي ينتظر الناس مواقفه.
وقال موسى خلال برنامج "على مسؤوليتي" المذاع على قناة "صدى البلد": "محمد صلاح بيتعرض لحملة من لجان جماعة الإخوان الإرهابية؛ بيشنوا حملة مستمرا بقالها يومين المليشيات واللجان كله كاتب شتايم في محمد صلاح".
وأضاف: "محمد صلاح أبن مصر ولنا الفخر وفخورين بهذا البطل؛ محمد صلاح يمثل بلده وأبن مصر وبيحب بلده جدا؛ بيحب بلده وشعب مصر كله مع محمد صلاح ماعدا اللجان الاخوانية الإرهابية التي تكره أي واحد بيحب بلده".
وتابع: "محمد صلاح من الناس القلائل الذين تبرعوا بالملايين للشعب الفلسطيني في قطاع غزة محمد صلاح عارف الدور الاجتماعي اللي بيعمله ولكن لجان الاخوان تقول ازاي يروح يحتفل هو أنت وصي على محمد صلاح؟ محمد صلاح كبير وعارف بيعمل ايه".
وواصل: "محمد صلاح مش سياسي دا رجل نجم عالمي ومش سياسي هو انتوا عايزين تحاسبوه على أي حركة بيعملها؛ محمد صلاح مكتبش معملش أنت مالك بيه؟ وليه بتحاول تشوه محمد صلاح وأنا وجهت ليه رسالة من على أكس الصح وعليها تعليقات من الوطنيين وكله داخل يدعم محمد صلاح".
وأوضح: "محدش يكره محمد صلاح ألا هما والطابور اللي بيمشي وراهم؛ محمد صلاح عنده ماتش النهاردة ومصر كلها معاه؛ محمد صلاح حول الكرة الأرضية يروح أي مكان الدنيا بتتقلب مفيش زيه ومفيش في العالم العربي نجوم تانيين مين زي محمد صلاح؟ هو ابن مصر وفخورين بيه هو أبن مصر بكل فخر وقالك لا في نجوم تانيين زي صلاح مفيش حد قرب من اسم صلاح ولا نجومية وشهرة صلاح ولا أخلاق صلاح".
واختتم: "محمد صلاح خلوق جدا ومؤدب جدا ولا بيرد على اللجان دي وهو لا يراهم بالنسباله هوا ولا يؤثروا فيه؛ انا اناشد الجميع ادعموا محمد صلاح في مواجهة لجان جماعة الاخوان الإرهابية وأي لجان؛ ادعوا نجمنا العالمي محمد صلاح".
