عمرو أديب: أحد الأحزاب قالت لمرشحها "لو مجتش مركز تاني هنرفدك"

طالب الإعلامي عمرو أديب الأحزاب بالاستعداد لانتخابات رئاسة الجمهورية المقبلة والمقرر إقامتها في 2030.

وقال أديب خلال برنامج "الحكاية" المذاع على قناة "أم بي سي مصر": “التلات مرشحين اللي دخلوا الانتخابات مقررين أنهم يبطلوا وفيهم واحد الحزب بتاعه قاله لو مجتش في المركز التاني هنرفدك”.

وأضاف: "اللي حصل في الانتخابات يدي بقي شوية نفس عميق والنقابات تشتغل والنقابات تشتغل كله طبقا للقانون والدستور؛ نطلع بقى نشتغل اعمل كوادر واعمل شباب".

وتابع: "أحزاب المولاة اللي معمولة دلوقتي أنتوا كنتوا مرشحين الرئيس عبد الفتاح السيسي طيب المرة الجاية هترشحوا مين في 2030 والا احنا ملناش دعوة؟ مصر عظيمة وكبيرة وتقدر".

وواصل: "أنا مش بمهد لحاجة دا كمان ست سنين؛ أنتوا كشعب عملنا اتفاق كده أن في انتخابات من 6 سنين؛ واما جيت في الانتخابات دي وقلت يا جماعة أجهزوا في ناس جهزت قبلها بشهر؛ البلد محتاجة قوة وصلابة وأن نعملها شيء جيد ومحتاجة الشباب الموجود دة خلاص بقي نزل وشوفنا شباب كتير في الانتخابات مفتوح لهم المجال".

وأوضح: "أكبر حزب في مصر العضوية فيه قد ايه؟ العضوية بجد العضوية العاملة؛ زمان كانت الموضة حزب التجمع وأنك تبقى يساري وتسمع أحمد فؤاد نجم والشيخ إمام وتبقى فاعل وتروح الحزب كانوا بينزلونا قرى نعمل مسوح طبيعة ووسط الموضوع يقوله انا حزب التجمع".

وأكمل: "دا النظام اللي حطيناه لنفسنا ولو هتحطوا نظام تاني بلاش الكلام دة كله أنا بقولكم من اليوم الأول في الست سنوات مصر متتحكمش في شهر ولا 25 يوم والا 20 ألف توكيل".

وذكر: "عايز تحكم مصر فأنت عايز حاجات كتير جدا محتاج حد عارف الحكاية أنا في ناس كنت بشفق عليها اسالهم عن تفاصيل أنت عايز تحكم البلد دي مصر مش نادي مع احترامي للنوادي".

ومن المقرر أن تعلن غدا الاثنين؛ الهيئة الوطنية للانتخابات عن النتائج النهائية للانتخابات الرئاسية التي تنافس فيها أربعة مرشحين وهم عبد الفتاح السيسي وحازم عمر وفريد زهران وعبد السند يمامة.