أحمد موسى يفتح النار على وزارة التموين: "يارب تحلوا أزمة السكر"
طالب الإعلامي أحمد موسى؛ وزارة التموين بالحسم في حل أزمة السكر مشيرا إلى أن الوزارة أطلقت تصريحات كثيرة ولم تقم بتنفيذها.
وقال موسى خلال برنامج "على مسؤوليتي" المذاع على قناة "أم بي سي مصر": "السكر في التموين أتمنى هذه المرة يكون وضعهم مختلف ويكون في حل مش بالكلام ولكن بالأفعال على الأرض؛ وعدونا للمرة العاشرة ويارب تكون العاشرة تابته أزمة السكر تخلص يارب نتمنى".
وأضاف: "قالولنا هيطرحوا 300 ألف طن يارب؛ عشان الأسعار تنزل؛ يارب والكيلو بـ27 يارب نلاقيه بـ 27 وقالك دلوقت هنطرح بـ27 زي ما قالوا من شهر؛ ولكن يبدو المردي هيكون في إجراءات لان رئيس الوزراء عامل اجتماع من كام يوم واللجنة المكلفة بتوفير السلع في الأسواق".
وتابع: "التموين كانوا عاملين جولة النهاردة عشان موضوع السكر وتوفير السكر وطرح كميات إضافية من السكر في الأسواق نتكلم عن الهايبر والبقالين؛ طبعا ده بعيد عن التموين؛ التموين بسعر 12.6 جنيه".
وواصل: "الناس لما بتلاقي الحاجة بتشكر؛ المواطن عايز الحاجة موجودة وفي متناول أن يقدر يشتريها؛ المواطن مبيزعلش عمال على بطال لما بيبقي زعلان بيبقي على حق وعنده كامل الحق المواطن".
وأوضح: "سكر التموين بـ 12.6 جنيه؛ عندك 64 مليون مواطن يقدروا يخدوا السكر بالسعر دة؛ السكر في المبادرات بـ 27 جنيه وبرة المبادرات السكر بـ 50-60 جنيه وكان معانا أحد مسؤولي شركات السكر يوم الأربع وقال هو بيخرج من الشركة بـ22-23 جنيه يعني المفروض يباع بـ 25 جنيه بالكتير أوي 27 جنيه".
وذكر: "ميروحش للمواطن بـ 40-50 جنيه وعشان كدة وزارة التموين لما عملت الجولة دي الناس كان ليها رأي في المبادرة؛ وأتمنى أنها تكون المرة الأخيرة أنه ميبقاش عندنا الأزمة أنه بداية حل أزمة السكر الحقيقة طبقا لوزارة التموين؛ مش على مسؤوليتي هذا الكلام وزارة التموين قالت ازمة السكر هتبقي من الماضي يارب مش عايز أجي بعد أسبوع واتكلم".
واختتم: "اللي بيفرق معانا المواطن بس؛ لما أقولك مش لاقيه لازم أقوم ولما الاقيه غالي لازم أقول؛ كل واحد عنده مسؤولية يقدر يقوم بالإجراء بتاعه؛ على فكرة المواطن المصري ذكي جدا عارف مين بيشتغل ومين ممكن يقول حاجات مش دقيقة وكدة".
