عمرو أديب عن أزمة السكر: بنستورد ونضخ المشكلة مستمرة ليه؟

علق الإعلامي عمرو أديب على أزمة ارتفاع أسعار السكر والذي وصل في بعض المناطق إلى 50 جنيها للكيلو الواحد.

وقال أديب خلال برنامج "الحكاية" المذاع على قناة "أم بي سي مصر": انتوا بتكسروا السوق والناس بقت مضايقة جدا؛ الدولة دي جالها حروب وجالها اخوان محدش عرف يعمل التأثير ده ومع ذلك الدولة بتحاول ودخلنا في دوامة السكر وبقي الناس عندها هسس السكر". 

وأضاف: "احنا بقالنا سنين الناس بيجلها سكر والناس تشتريه وتروح البيت ولكن طبقا لكلام الدولة بيطروحوا نفس الكميات ولكن في ازمة؛ احنا ليه بدعة عن الأمم؟ ليه السعر بيزيد؟ السعر زاد لسبب زيادة عمله او ندرة والمرة التانية دي ليه؟".

وتابع: "السؤال المهم أنت بتستورد سكر وبتضخ سكر الازمة مستمرة ليه؟ في حاجات مستمرة كدة علمونا العرض كتير فالسعر ينزل ليه ده مبيحصلش؟ أي كمية بتنزل السوق بتتبلع والسوق يعطش تاني".

وواصل: "لا انا مع أن أقولك قلل السكر في الشاي أو أنه مضر بالصحة أو أن المواطن هو اللي غلطان؛ احنا عايزين حل؛ لا تقدر توقف حد بيهرب سكر ولا تقدر تمسك اللي بيخزنوا السكر ولا تقدر تظبط اللي بيبعه بـ 50 جنيه عشان مفيش ده في أي مكان في العالم مفيش شرطة سكر في أي دولة".

وشهدت أسعار السكر مؤخرًا تحركات كبيرة وغير مبررة، حيث يباع كيلو السكر في الأسواق بثلاثة أسعار، منها الرسمي الذي أعلنته الحكومة ممثلة في وزارة التموين والتجارة الداخلية، ضمن مبادرة تخفيض الأسعار وهو 27 جنيها، إضافة لسعرين غير رسميين يتراوحان ما بين 43 و50 جنيها.

وفي وقت سابق أعلن الدكتور على المصيلحى، وزير التموين والتجارة الداخلية، منح مهلة 10 أيام لإعادة الانضباط في أسعار السكر، مشيرا إلى أنه في حالة عدم استقرار السوق سيتم اللجوء إلى مجلس الوزراء للتسعير،

وأوضح المصيلحي أن الوزارة تطرح السكر بجميع المنافذ التموينية والسلاسل التجارية والشوادر التابعة للوزارة.

كما أشار الوزير إلى أن الوزارة لم تعد مسؤولة فقط عن توفير السكر للبطاقات التموينية، بل أصبحت محملة بعبء توفيره للقطاعين الصناعي والتجاري.