عمرو أديب عن أسعار السكر: "الحكومة أضعف من التجار"

أكد الإعلامي عمرو أديب؛ أن هناك ازمة في المعروض من السكر مشيرا إلى أن ارتفاع الأسعار حدث بسبب عدم توافق العرض مع الطلب.

وقال أديب خلال برنامج "الحكاية" المذاع على قناة "أم بي سي مصر": "هو ايه اللي حصل؟ هو مش كان في سكر فيما سبق؛ النهاردة السيد وزير التموين بيقول للناس اتعبوا شوية ودوروا السؤال السكر فين؟ أنا بقول لوزير التموين حضرتك جربت موضوع الأسعار الجبرية".

وأضاف: "الحكومة أضعف من التجار؛ الجميع دي اتبروزت باسمي؛ أنت مش عارف توفر سكر في السوق نقطة ما تقول كدة؛ هيقولك لا التلاعب أنا مش هدخل في الدايرة دي ابتدوا يقولولك كلام بقي أنت ليه بتحط أربع معالق سكر في الشاي".

وتابع: "قولي يا مواطن أنا عندي مشكلة في توفير السلعة دي؛ الدولة لما تقول عندي مخزون من السكر 6 أشهر الدولة بتتكلم على مخزون التموين؛ قولوا للناس الحقيقة يا جماعة أنا عندي نقص والنقص ده مش قادر أعوضه".

وأكمل: "هو ليه السيد وزير التموين قال بعد 10 أيام؟ نمرة واحد في سكر جاي مستورد وفي مصنع تاني بتاع البنجر هينزل إنتاج؛ وقالك هعمل تسعيرة جبرية مانت جربت الموضوع دة في الأرز ومبينفعش".

وواصل: "اللي حصل انت لسبب ما أنت مش موفر سكر في السوق أرجوك متقوليش في سكر في السوق أو متروحوا المجمعات؛ الناس بتروح المجمعات وحالة الهلع اللي بتيجي لما الناس متلاقيش فيجروا يشتروا".

وذكر: "ابتدوا يقولولنا ايه أصل في ناس بتخزن لرمضان؛ رمضان لسه كما 3 أشهر؛ أنا بجيب من الاخر والناس بتزعل واحد يا حضرتك توفر السكر ويبقي موجود في السوق وتقديري هيلعبوا لعبة الأرز؛ أنا بقولك زي اللي حصل في الرز طلعنا من كام لكام لغاية ما يقولك السعر دة كويس اشتري بالرقم دة انما جبرية ماتت من زمان".

واختتم: "أنت عندك مفتيشين تموين ينزلوا الشارع يشيكوا على الأسعار والناس اللي بتكلم على جهاز حماية المستهلك جهاز حماية المستهلك ملوش دعوة بالسعر دا بتاع جودة؛ ملهاش غير حل من اتنين يا هتقولي والله عندي مشكلة في الصنف دة أو تقولي أنا هوفره واستني عليا يومين على ما أوفره".