عمرو أديب يعلق على تسليم حماس للأسرى الإسرائيليين داخل غزة
علق الإعلامي عمرو أديب؛ على استمرار تنفيذ بنود الهدنة بين إسرائيل وحركة حماس وإطلاق الأسرى الجزئي بين الجانبين.
وقال أديب خلال برنامج "الحكاية" المذاع على قناة "أم بي سي مصر": "حماس قامت النهاردة بتسليم غريب؛ قامت بتسليم المحتجزين وسط مدينة غزة في الشارع وكان في مواطنين واقفين وبيسقفوا؛ وقاموا أمام الناس كلها في شارع من شوارع غزة بتسليم المحتجزين للصليب الأحمر أهو أنا واقف اهو وفي استعراض واضح".
وأضاف: "تاني ملاحظة أن هناك قطاع أو شريحة في اليومين اللي فاتوا دول أصبحت تقول ياعمي رجع لنا الناس بتوعنا وكفاية حرب ابتدت تعجبهم فكرة رجعلي الناس بتوعي وكفاية كدة وابتدا هذا الامر يبقي تغير اللي هو خلاص بقي انت مش ضربت نقعد مع حد ما".
وتابع: "رجوع البشر سواء كانوا إسرائيليين أو فلسطينيين حسس الناس أنه خلاص بقى خلونا نخلص؛ الإسرائيليين عاملين حاجة كدة أنا مسميها قوات مكافحة الفرحة أنا مش عايز أشوف حد فرحات لانها بتأثر على الجبهة الداخلية عندهم".
وواصل: "قصص الفلسطينيين في السجون شيء خيالي؛ شاب من المعتقلين كانوا مركبين له حلقة في رجلة والست طلعت تستقبل ابنها كانت محروقة بالكامل خرجت النهاردة تشوف المشهد دا كفر بين".
وأكمل: "ابتدى يبقي في تيار دعونا نتبادل الأسرى؛ نتنياهو كان واقف قبل أسبوعين تلاتة كان واقف في الأمم المتحدة ومعاه الخريطة ومعليهاش نقطة فلسطين".
وذكر: "أحب أن ابلغ سيادتكم عن مدي فخري وسعادتي بالتحركات المصرية؛ احترافية المفاوض المصري؛ المصري يتفاوض وهو على الأرض داخل غزة وموجود ومتواجد وقادر على التفاوض وتذليل العقبات الدور اللي بتقوم به مصر دور ضامن وناجح وأنا كمواطن مصري أنظر له في ظل المأساة الموجودين فيها دي أنه يغير الأوضاع على الأرض".
واختتم: "أنا حضرت مواقف مماثلة لصراعات في غزة وكان دائما الصراع والجدل والخناق مع القطريين؛ والنهاردة عندك مثال لأول مرة تشوفه لما يبقي في دولتين عربيتين على وفاق كل يوم يبعت أمير قطر للرئيس يشكره فيبعت الرئيس يشكره؛ يجب أن يعرف العالم العربي أنه لما يبقى في دولتين على وفاق وفاقهم قوة للامة العربية؛ أنا حضرت لما مكانوش على وفاق وانما النهاردة مصر وقطر بيكملوا بعض".
