أحمد موسى: لا يليق أن يعاني المواطن بسبب كيلو سكر
أكد الإعلامي أحمد موسى؛ أن سعر كيلو السكر وصل إلى ما يزيد عن الـ 50 جنيها، مشيرا إلى أن التجار يعتقدون أن التسعيرة الجبرية سوف تسبب كثير من المشكلات.
وقال موسى خلال برنامج "على مسؤوليتي" المذاع على قناة "صدى البلد": "لازم أبص انا هعمل ايه وكان لازم من بدري مش من النهاردة؛ من اول ما حصلت الازمة؛ عارفين القوات المسلحة لما يبقي في أي حاجة بيبقي حاطة الخطة الأولى والتانية ولو حصل دة نعمل كذا".
وأضاف: "حصل عندي أزمة سكر طيب السيناريو الأول ايه منفعش نشوف التاني؛ على مدار الشهر اللي فات دة قدامنا ايه؟ أنا من هنا لحد الموسم الجديد حد يقدر يقولي اتحكم في السكر بكام أو أوصله بكام؟ هل في حد النهاردة معندوش في بيته او جيرانه او في الشارع مدورش على سكر؟".
وتابع: "في حد السكر عنده مرطرط وماشاء الله؟ مش هتلاقي ولو لقيت في مكان هيقولك خد كذا بس شوية حاجات جنبه؛ 10 أيام يا سيادة الوزير كتير أوي ولو القرار هيتاخد هيتاخد يبقى أخده دلوقتي او بكرة لو شايف دة الحل يبقي اطلع القرار بكرة؛ سعر استرشادي كذا".
وأكمل: "أشوف المبادرة لان احنا اتكلمنا كتير ايه بقي السبب ولية الناس ملتزمتش وعملنالهم كل طلباتهم وهنحدد السعر دة وبعد كدة الناس تكتشف عدينا أسبوع ثم التاني والاسعار زادت منزلتش والخلل دة لازم يتشاف".
وواضل: "في سوق كبير زي مصر 100 مليون أكبر سوق في العالم العربي وعندك كمان 9 مليون ضيف فانت بتتلكم عن 115 مليون عايشين على ارض مصر ايه الخلل اللي حصل؟ ومش عيب نقول تقديراتنا كانت علط وابقى صريح مع المواطن؛ طيب لو أنا النهاردة المواطن اللي بيشتكي بقاله شهر كامل؛ بعد 10 أيام كمان هيستناهم؟ مقولوش 10 أيام أقوله الصبح أو دلوقتي رئيس الوزراء يطلع قرار".
واختتم: "مش هسيب المواطن لسة 10 أيام يعاني هذه المعاناة البحث عن كيلو سكر؛ ولا يليق أن احنا نسيب المواطن تاني وانا بتكلم عن تصريح وزير التموين النهاردة اللي قال من شهر ونص لا منقدرش نفرض تسعيرة جبرية قال لا
