أحمد موسى يعلق على نشر الحوثيين فيديو اختطاف السفينة "جلاكسي ليدر"

علق الإعلامي أحمد موسى على المقطع المصور الذي نشره الحوثيين لاختطاف السفينة جلاكسي ليدر والتي يمتلكها إسرائيلي.

وقال موسى خلال برنامج "على مسؤوليتي" المذاع على قناة "صدى البلد": "خطورة استيلاء الحوثيين على السفينة جلاكسي ليدر في البحر الأحمر؛ اتضح أن عندهم طيارات هيلوكوبتر؛ الحوثيون أول مرة نجد عندهم مروحيات مكناش شفنا؛ عارفين عندهم أسلحة وصواريخ ولكن قوات خاصة وطيارات".

وقال موسى خلال برنامج "على مسؤوليتي" المذاع على قناة "صدى البلد": "القوات الخاصة بتاعة الحوثيين نزلوا على سطح المركب؛ الطيارة نزلتهم على المركب وفي عدد كبير من الوحدات البحرية ودخلوا على القباطنة وأمر خطير جدا وأنت بتشوفه وتفتيش للسفينة بالكامل ومتعرفش عليها ايه".

وأضاف: "ايه اللي في السفينة معرفش بتشيل ايه مش عارف؛ قاعدين يتمشوا في السفينة ويسجلوا فيديوهات وهنا تصوير بالدرون وشايف كان قطعة جنب السفينة؟ اللانشات دي كلها مسلحة وفي كمان قاطرة قدام اللي هي وحدة ارشاد واخد السفينة وراه ولا في إشارة استغاثة من حد ولا الأمريكان موجودين ولا الفرنساويين ولا حد موجود ولا حد سمع ولا حد دري".

وأوضح: "دي ناس عندها المعلومة ومجهز نفسه وعارف السفينة فين وجاي بالدرون عشان يصور السفينة؛ والحوثيين عندهم صواريخ ساحلية على البحر الأحمر مداها بيوصل 250 كم خدوا السفينة وشالوا العلم الموجود عليها وحطوا علم فلسطين وعلم اليمن".

وواصل: "مين دريان باللي بيحصل دة؟ الحرب لن تقف إلا لو أمريكا قالت الحرب لازم تقف؛ أحنا بنتكلم عن أمن البحر الأحمر وأمن باب المندب وحركة تجارة عالمية تتعلق بينا كمصر وكقناة السويس؛ البترول النهاردة زاد لأنك بتتكلم عن عمليات تأمين وشحن".

وذكر: "المشهد اللي قدامنا دا كاشف والرئيس قال الأمر قد يتطور وكان في قراءة للقادم وفي قراءات أسوأ وسيناريوهات أسوأ ولكن المشهد دة بيقولك هما طبعا حاطين هدف واضح وهدفهم الواضح والمعلن هو السفن الإسرائيلية أو أي سفينة تابعة للاسرائيليين".

واختتم: "الخارجية الإيرانية قالت أحنا ملناش علاقة بيهم وهما مسؤولين عن قراراتهم بالكامل؛ طيب مين هيتكلم مع الحوثيين غير إيران؟