أحمد موسى عن منتقدي الموقف المصري: "ما تقطعوا الغاز عن أوروبا؟"
علق الإعلامي أحمد موسى على مطالبات البعض لمصر باتخاذ قرارات ضد إسرائيل والدول الغربية، مشيرا إلى أن على الجميع الحديث داخل حدود بلده.
وقال موسى خلال برنامج "على مسؤوليتي" المذاع على قناة "صدى البلد": "كل النهاردة اللي بيتكلم في القمة بيدين العالم الغربي؛ في إدانة واضحة لأمريكا والدول الغربية؛ محتاجين ايه؟ أنا بقول مرة تانية لبعض اشقائنا اللي بيشتغلوا ويقولك ما تسحبوا والسفارات؛ كل واحد يتكلم في حدود بلده وأرضه؛ هو أنت بينك وبين غزة قد إيه؟ تلات او أربع تلاف كم؟ أنا بيني وبينهم تلاته متر".
وأضاف: "بعض الناس بتقولك الغاز والنفط؛ طيب ما تقطع عن أوروبا؟ طيب مانت عندك بالمناسبة ما تقطع عن أوروبا أنا بقولك اقطع عن أوروبا حضرتك تاخد القرار مالك بالدول الأخرى؟ كل دولة بتشوف مصلحتها ايه ومصلحة شعوبها ايه".
وتابع: "في كلام كتير جدا في الملف ده والملف ده محتاج تحرك زي ماحنا شايفينة وزي القادة النهاردة ما اتحركوا فيه وزي ما كل واحد النهاردة قال كلمة في منتهي القوة والحكمة؛ الموضوع فيه شعره بين سلام ووقف حرب وحتى ممكن تحدث حرب".
وأوضح: "كل زعيم وكل قائد أتكلم النهاردة كان شايف الكلام دة قدام عنيه؛ في العالم كله في حالة غضب شديدة؛ حالة الغضب اللي بنشوفها النهاردة ربما بتكون محددة والحالة الموجودة النهاردة ربما كل الناس تتابع هو احنا عملنا كدة ليه؟ عملنا عشان كان في بعض الناس لها توجه معين".
وواصل: "العالم بيقولك النهاردة لما تغضب انزل الشارع وعبر عنه وحد يقولك لو انت غضبت أنا هفصلك شوف الامريكان والغرب بيعملوا ايه؛ كل دة بنشوفه بيقولولك لو انت خدت قرار ودافعت وتكلمت بيخدوا منك موقف مش عايزك تدافع عن المقاومة طيب الشعب المسكين اللي بيتضرب وبيتقتل؛ هل هذا الشعب بيدوله حق المقاومة؟ احنا كلنا والنهاردة الكلمات والبيانات حق المقاومة للشعب الفلسطيني".
وأكمل: "الرئيس محمود عباس بيقول النهاردة محتاجين حماية دولية؛ وبيطلب طلب واحد احمونا يا مجتمع يا دولي؛ النهاردة اللي شفناه بشكل واضح فيما يتعلق بالدول؛ شوفوا صورة مجلس الأمن ايه النهاردة؟".
