عمرو أديب يسخر من موقفي أردوغان ونصر الله
علق الإعلامي عمرو أديب؛ على تصريحات حسن نصر الله؛ الأمين العام لحزب الله اللبناني والذي طالب فيها القادة العرب واسرهم بالذهاب إلى معبر رفح.
وقال أديب خلال برنامج "الحكاية" المذاع على قناة "أم بي سي مصر": "هات عيالك وأهلك وتعالي عند البوابة؛ أهلا بيك ومصر تقدر تحميك تعالي أنت الأول عشان نشعر بالحرج؛ تعالي أقف كدة؛ هو ليه بتعملوا فينا كدة؛ احنا عملنا ايه غلط؟ أنا حضرت عهود مكانش في خالص الكلام ده قالك ولا ملكش دعوة".
وأضاف: "اللي بيهاجم مصر النهاردة لا كان بيحبها قبل كدة ولا هيحبها دلوقت ولا هيحبها بعد كدة؛ مهما عملت والله وهتجد ناس بتحاول تثبت وتقولك البسكوت اللي قالوا إنه منتهي الصلاحية في المساعدات ده مش اللي احنا بننتجه ولا تحط مجهودك بده".
وتابع: "رجل أعمال مصري هيتبرع بخمسة مليون جنيه غدا هتروح عشان نحط معونات زيادة وهي دي مصر؛ الراجل قاعد بيتفرج ولقي واحد بيقول محتاجين معونات زيادة؛ حلو عن سمانا ولا عايزين شكل ولا عايزين نيشان ولا عايزين بطولة".
وتطرق أديب لتصريحات الرئيس التركي رجب طيب أردوغان والتي أشار فيها إلى أنه لن يتحدث مع رئيس الوزراء الإسرائيلي بنيامين نتنياهو.
وأوضح: "أنا عاجبني موقف الرئيس أردوغان؛ الرئيس أردوغان قال إنه هيسحب السفير بتاعه من إسرائيل للتشاور وقال إن عمره ما هيكلم نتنياهو تاني؛ مش هكلمه مرة أخرى؛ لكن مش هيقطع العلاقات مع إسرائيل؛ مواقف الناس دي الواحد بيستناها أكيد نتنياهو دلوقت بيحسب حاجات كتير".
وأكمل: "قالك مش هكلمه تاني الرجالة بتبان في المواقف؛ التصريح كان بيقول لم نعد أصدقاء ولن يكون صديق لي بعد الان؛ محدش فتح بقه بس مصر؛ أي حد بيقولك يلا الجيش اللي انت جايبه ده أنت مش ناوي تحارب والا ايه".
وذكر: "أنا النهاردة عرفت موقف مصر مش قد كده أردوغان قال مش هكلمه تاني؛ هي دي المواقف التاريخية".
وتبذل الحكومة المصرية جهودا مضنية منذ اندلاع الأزمة في السابع من أكتوبر الماضي من أجل وقف التصعيد في قطاع غزة ووقف استهداف المدنيين.
