عمرو أديب يهاجم دعوات المقاطعة: "بلاش سذاجة إحنا مش ناقصين؟"
هاجم الإعلامي عمرو أديب؛ دعوات مقاطعة بضائع العلامات التجارية التابعة للدول الداعمة للاحتلال الإسرائيلي.
وقال أديب خلال برنامج "الحكاية" المذاع على قناة "أم بي سي مصر": "الناس دي مش كانت بتاخد منك جبنة وعيش والناس التانية الراجل اللي بيورد العيش لمحل؛ مثلا عايز أقولكم معلومة كل اللي في تلاجة ستاربكس بتعمله شركة مصرية معروفة؛ شركة مصرية 100% خلاص مش هيشتغل معانا تاني".
وأضاف: "أنا مش بقولك ادخلوا ادعموهم أنا بقولك بس افهم بتعمل ايه بشكل مباشر وغير مباشر؛ ناويين تقفوا جنب الناس؟ أو تعوضوا المصانع اللي هتقفل؟ المعلومات الموجودة هذا أمر على الأقل هيكمل سنة ولو عايزين تقاطعوا بجد أنا بوست أيديكم وقت الأسعار ما زادت طيب بلاش بيض لا طيب بلاش لحمة لا ومقاطعتوش بني أدم".
وتابع: "أنت النهاردة بتضرب في مين؟ أنت بتضرب في المصريين؛ أنا عايز حد يقولي مبيصلش؛ العمالة اللي كانت بتشتغل جوة المحلات من غير عقود كل دول مين هيأكلهم هتشغلهم فين كلهم هيروحوا سبيرو سباتس؟ ياجماعة بلاش سذاجة احنا ناقصين؟ ياريت ناخد عمالة زيادة أنت عندك مليون لازم يشتغلوا كل سنة هتشغلهم فين؟".
وأكمل: "عندنا ينتهي هذا الامر هتقوله يا شركة كذا ما ترجع هيقولك ارجع فين؛ كل الناس ماسكة نموذج روسيا؛ نموذج روسيا مختلف هنا الشركات الأجنبية هي اللي مشيت".
وواصل: "واحدة من أكبر شركات الدليفري في مصر أمبارح مشت ناس؛ الراجل دة مين هيأكله؟ الاقتصاد ضيق وبيسمع وأحنا في ظرف مع الأزمة جاتلك أزمة؛ أنت محتاج علاج وإنعاش ورحمة".
وأوضح: "هل في حد في مصر مش واقف مع الفلسطينين ولكن المصري دة لما يتبهدل يتبهدل ليه؛ أنا تحت امرك قولي أنا كدولة أي حد هيمشي من أي حته هشغله أو يطلع حد من المصنعين المصريين يقولك أي حد هيمشي أنا هخده عندي".
واختتم: "فين النقابات؟ فين الناس اللي مسؤولة عن العمال فين التضامن الاجتماعي؛ شيل بقي هل عندكم فلوس؟ اتبرع بالدم ماشي اتبرع بفلوس عشان المعونات ماشي؛ اعمل توعية وحرك الوعي واتطوع في بنوك الطعام والشركات اللي بتقول بتعبئة المعونات ماشي اكتب حاجات على السوشيال ميديا وادعم الفلسطينيين ماشي".
