عمرو أديب: فيديو الأسيرات داس على نتنياهو.. حماس منكدين على أهله

أكد الإعلامي عمرو أديب؛ أن مصر حاليا تقوم بأمر غريب للغاية وهو اعادة التأكيد للعالم على أن سيناء ارض مصرية.

وقال أديب خلال برنامج "الحكاية" المذاع على قناة "ام بي سي مصر": "مصر بترجع تاني تقول للعالم سيناء مصرية؛ تخيل؟ أنت بتقول للعالم لو سمحتم ياجماعة معلش سيناء دي مصرية؛ والأيام القادمة الإدارة المصرية هتوري الناس ما هي الأشياء اللي اتعملت في سيناء عشان نقول مش سايبنها؛ هتشوفوا دا الأيام القادمة من أعلى رأس في الدولة لغاية الناس اللي اشتغلت في مشاريع".

وأضاف: "امبارح الاتصال بين الرئيس السيسي والرئيس بايدن للمرة المليون لن يتم تهجير الفلسطينيين داخل مصر؛ تخيل تقولي احنا هنقفل قناة السويس عشان يلاقوا مليون سبب للتدخل احترموا عقل الناس".

وتابع: "أنت لو مكانش ليك هيبة وكلمة والله مكانش حد عبرك أقفل ولا تدخل حاجة والمصريين كان عندهم صبر على الغلاسة الإسرائيلية؛ احنا مش عايزين شيء في النهاية نندم عليه كلنا مصر بتعود تقول للعالم مرة أخرى سيناء مصرية سيناء عمرناها رويناها بالدم ورفح هو المعبر الوحيد المفتوح ومصر هتقف جنب إخواننا الفلسطينيين".

وواصل: "الفلسطينين شايفينك وشايفين دورك؛ أنت بتلم من دمك الحي ودا دورك ودي حدودك ودي قضيتك بشويش ياجماعة لأن الغلطة الأيام الجاية بفورة وجبهة داخلية ضعيفة توقعك في الخارج اقتصاد مهزوز يوقعك في الخارج".

وأوضح: "هذا عدو بلا خطة هو مش عارف عايز يعمل ايه؛ ياجدعان 23 يوم لم ينجح هذا العدو في استعادة الرهائن بتوعه والله لو محمد بيه في قسم الهرم كان جابهم؛ امبارح نتنياهو بيقولك المسؤولية على القوى الأمنية".

وأكمل: "الفيديو بتاع الاسيرات النهاردة مش ضغط على نتنياهو دا داس عليه دوس؛ حتى هو قال دي دعاية نفسية قاسية من حماس؛ هو في مأزق ومش عارف يخلص والعالم كله هيفضل وراه لغاية ما يعرف دا لو عرف".

واختتم: "كلما يدخل كلما خرج وحتى الأن هو مش عارف ايه الموضوع وكل يوم يبعت يجيب المدد؛ التراكم بتاع القوات الامريكية دة كل يوم ليه دي حماس ياجماعة 30 ألف مقاتل دانت لو بتحارب روسيا مش هتعمل كل دة؛ الناس بتوع حماس منكدين على أهلة؛ الناس اللي طلعوله وهو داخل من الشمال؛ جم منين؟ ثم اختفوا".