عمرو أديب عن حادث صحراوي الإسكندرية: "العربيات كأنها مضروبة بصاروخ"

علق الإعلامي عمرو أديب؛ على حادث طريق مصر الإسكندرية الصحراوي والذي راح ضحيته 34 مواطن مصري.

وقال أديب خلال برنامج "الحكاية" المذاع على قناة "أم بي سي مصر": "أما بشوف أي حادثة برة فكرة أن يموت حد في حادث مروري مسألة صعبة؛ حوادث مصر قاتلة الاسفلت في مصر قاتل؛ ودايما يقولك ميكروباصين خبطوا في بعض مات 15 لغاية النهاردة لقينا مشهد مرعب نار وتفحم جثث وما يقرب من 34 شهيد في الحادث وأكتر من 60 مصاب كأنك في غزة كأن العربيات دي مضروبة بالصواريخ".

وأضاف: "تفاصيل كثيرة ولكن في النهاية كارثة حقيقة يعني؛ طريق مصر اسكندرية الصحراوي فاجعة غير طبيعية النهاردة وتعود وتسأل ليه حوادثنا مميته؛ العربية زي ما تكون مضروبة بصاروخ يعني؛ العربية في دقائق بقت عضم على لحم".

وتابع: "المفروض النقل ليه حارة لوحده أيه اللي جابه هنا؛ اما بنسافر برة بيكون في مطر وضباب وبيبقي في عربيات بتمشي قدام العربيات عشان تهديهم وبيكون في علامات على الطريق وأكيد الضباب دة مجاش فجأة".

وواصل: "العربيات مضروبة؛ النهاردة الاخوة بتوع الأسعار اللي سارعوا للمكان يتحدثون عن تفحم الجثث؛ ايه اللي اشعل النيران محدش عارف لسة الحكاية دي؛ النائب العام طلب تحقيق عشان يتعلق ايه الموضوع".

وفي الساعات الأولى من صباح اليوم السبت، شهد الكيلو 134 على طريق الإسكندرية الصحراوي، في الاتجاه القادم من الإسكندرية إلى القاهرة، حادث تصادم عشرات السيارات وإشتعال النيران بهم.

وتلقت غرفة عمليات الإدارة العامة للمرور، بلاغًا من غرفة عمليات النجدة بوقوع حادث السير، وعلى الفور انتقلت سيارات المرور مصحوبة بـ 20 سيارة إسعاف و4 سيارات إطفاء إلى موقع الحادث.

وبحسب المعاينة الأولية، حدث تصادم بين عشرات السيارات؛ بسبب الشبورة المائية، مما أدي لاشتعال النيران وتفحم نحو 3 أتوبيسات نقل جماعي و10 سيارات ملاكي، جميعها أتت عليها النيران وأكلتها بالكامل.

ودفعت الإدارة العامة للمرور، بأوناش ومعدات ثقيلة لرفع آثار حادث طريق إسكندرية الصحراوي، وقام رجال المرور بسحب الكثافات المرورية على طريق إسكندرية الصحراوي؛ لتيسير حركة المركبات.