أحمد موسى يهاجم عدد من القنوات العربية: "جايبين الاحتلال يبرر جرائمه"

هاجم الإعلامي أحمد موسى؛ عددا من القنوات العربية التي تمنح الفرصة لمتحدثي جيش الاحتلال الإسرائيلي بالظهور على شاشتها والدفاع عن جرائمهم التي ترتكب ضد الشعب الفلسطيني.

وقال أديب خلال برنامج "على مسؤوليتي" المذاع على قناة "صدى البلد": "عندي سؤالين لحبايبنا في الإعلام العربي؛ مصر عاملة معاهدة سلام من 1979 مع إسرائيل مشفتش في الإعلام المصري من ساعتها لحد النهاردة متحدث باسم جيش الاحتلال".

وأضاف: "الأيام اللي فاتت وكل ساعة وكل دقيقة أجد بعض الاعلام العربي يستضيفوا متحدث باسم جيش الاحتلال يقعد يتكلم وهنعمل في حماس ويروحوا مصر ويعدوا الحدود ويدخلوا سيناء ويجيبوا محللين إسرائيليين يشتموا في سيناء وناس تالتين يتكلموا على مصر؛ طيب أيه يعني بتعمل كدة ليه؟ أيه الهدف أنت عايز يقولك حياد؟؟ متبقاش محايد يا اخي هي القضية الفلسطينية فيها حياد؟".

وتابع: "أنت خايف الإسرائيليين يقولوا عليك مش محايد؟ ما يتفلقوا أحنا مع شعبنا احنا مع الشعب الفلسطيني وضد إسرائيل والعدوان الإسرائيلي قولا واحدا ليه اخلي عندي منفذ أو اتنين او أربعة؛ هو العدوان الغربي بيدي مجال للفلسطينين يقولوا رأيهم؟".

وواصل: "دا مانعينك حتى على تويتر أو فيسبوك تكتب حتى كلمتين؛ أنت مواطن عربي أو مسلم بيمنعك تدافع عن القضية الفلسطينية؛ أديله مجال يبرر الجرايم بتاعته ليل ونهار وتديلة مجال يتكلم عن مصر ويهاجمنا".

وأوضح: "أنا هنا على الهوا بقولها على الهوا وبحذر مش مسموح في أي وسيلة إعلامية عربية تفتح المجال لأي حد يهاجم مصر وأنا بقولها على الهواء مش مسموح وإلا؛ مينفعش اللي حصل من 20 أو 15 سنة يتكرر تاني لو سمحتوا".

وأكمل: "أنت النهاردة عايز تحارب ما تيجي تحارب الحدود مفتوحة والله اللي عايز يحارب يروح يحارب عندك جيش يلا اتفضل روح؛ مفيش مصر روح لبنان هو حد مانعك تروح تحارب إسرائيل أنت مالك بالجيش المصري".

واختتم: "إذا انت خدت قرار خد قرار دانا هدعمك وأساعدك واهتف لك بس روح؛ ملكش علاقة بيا أنا أحنا هندافع عن ارضنا وعن حدودنا انت ملكش علاقة بمصر هو كل حاجة مصر هي ليه مصر بس تشيل الشيلة".