أشرف زكي يدعو لإنتاج مسلسل عن أحداث غزة في رمضان 2024
تحدث الفنان أشرف زكي عن دعمه للقضية الفلسطينية، وعن طرح فكرة عمل في السباق الرمضاني 2024 يسرد أحداث فلسطين الحالية، وعن معاش الفنانين من نقابة المهن التمثيلية.
وقال أشرف زكي في تصريحات تليفزيونية: نفسي ناخد من الهم ده في أعمالنا.. إيه المانع إننا نعمل في رمضان 2024 مسلسل عن الهم اللي إحنا فيه دلوقتي وفي فلسطين، والحدث ده هيطلع إبداعات عظيمة.. والعدو الحقيقي بالنسبة لنا هو العدو الإسرائيلي.
وأضاف أشرف زكي: ونفسي نعمل قصة سيدنا موسى هي اللي فيها بيحصل دلوقتي في فلسطين ونشوف أصل الحكاية، والفنانين المفروض تسد الدين اللي عليها تجاه البلد، ولما البلد تعوزك لازم تبقى موجود مصر محتاجالك، والناس كلها عايزة تنزل وتعبر عن رأيها لأن الغضب كبير.
وعن معاش نقابة المهن التمثيلية، أوضح أشرف زكي: الناس فاهمة إن النقابة لنجوم الصف الأول، النقابة اتعملت للتكافل وفيه ناس ملهاش غير النقابة، ومعاش النقابة 700 أو 800 جنيه فـ أنا عايز المعاش يليق بالظرف اللي إحنا فيه.. ونفسي تعود المهنة زي ما كانت.
واختتم أشرف حديثه: بضايق أوي لما ألاقي ممثلة معاها 10 أو 15 مساعد والمسلسلات تتكتب على الهوا.. وميزانيات المسلسلات بتروح في الموتسكيلات الكتير فين بروفات الترابيزة؟!.
