عمرو أديب: هل ترتكب إسرائيل المذبحة الكبرى في وجود الرئيس الامريكي؟
أكد الإعلامي عمرو أديب؛ أن الدولة المصرية تبذل كل ما لديها من جهود من أجل ادخال المساعدات إلى قطاع غزة.
وقال أديب خلال برنامج "الحكاية" المذاع على قناة "أم بي سي مصر": "لغاية دلوقت المصريين عملوا الطرق الممكنة؛ بعض الناس يقولك أيه؛ نعمل مسيرات تقتحم الحدود وتاخد معاها العربيات؛ طيب هو الراجل اللي بيبعت ولاده في الحتة دي مش مسؤول؟ النهاردة كان في تواجد مصري وعدد من المسؤولين المصريين في المكان دة بالتحديد دا قبل ما تعدي وقبل متروح".
وأضاف: "على الجانب الاخر لا استطيع أن أخفي قلقي لأنه بالشكل دة اللي بتمارس بيه إسرائيل هذا الامر ممكن يبقي في مشكلة كبيرة لأن الامر واصل لمرحلة مش جيدة خالص هتخدل في حسابات ملهاش لازمة وفي تقديري المعونات لازم هتخدل مفيش حل تاني".
وتابع: "هو النهاردة عقدلك الحكاية لأن الموضوع معقد عنده داخل حكومة الطوارئ؛ المدرسة الإسرائيلية قايمة على واحد البهدلة اتنين البهدلة تلاتة البهدلة؛ هو معندوش خطة أخرى؛ أنا عايز حد حضراتكم اللي لسة متأملش ايه اللي حاصل هو لا يفكر في شيء لا عنده خطة ولا استراتيجية هو بيفكر أن في نكسة سياسية ونكسة عسكرية ولن تنصلح؛ نتنياهو دة يا هيمشي يا هيتسجن".
وواصل: "هما بيقولوا عايزين يقضوا على حماس؛ بكلامهم لغاية النهاردة؛ أحنا بنتكلم عن ستة سبعة من حماس وليسوا القادة المميزين يعني؛ طبعا كلهم شهداء وكلهم على راسنا؛ اللي عملوه دة ايه نتيجته والالف اللي عبروا هتجيبهم منين والألاف اللي مستنينك جوه هتعمل فيهم ايه؟ وحتى لو خلصت دة كله 50 يوم 60 يوم وبعدين؟ احنا بنتعامل مع جنون كامل".
وأوضح: "يتحدثون اليوم أن بايدين جاي أنا رأيي أن دي زيارة انتخابية؛ عايز تقولي أن وبايدن هنا الإسرائيليين هيدخلوا غزة؟ في هيبقي حاجة أسوأ من كدة تتعمله دا الراجل جاي عشان يثبت لليهود المساندة والدعم ولكن في نفس الوقت هو قدام العالم لا يستطيع أن يكون موجودا اثناء المذبحة الكبرى".
واختتم: "أنا تقديري اللي هيحصل في غزة في الاجتياح هي المذبحة الكبرى وهي أكبر مذبحة ممكن نكون سمعنا عنها في العالم العربي أو للفلسطينين؛ طيب هو موجود وبكرة رئيس ألمانيا جاي ويوم السبت المؤتمر اللي مصر دعت إليه عشان يشوفوا حل أنت عايز تقولي أنك هتقوم بالاجتياح في هذا الوقت أنت عايز تقولي أن قوى كبيرة حولك هتصبر على هذا الأمر وتسكت؟".
