أحمد موسى عن شائعات التحذير المصري لإسرائيل: "قنوات معادية بتشتغل ضدنا"

علق الإعلامي أحمد موسى؛ على الشائعات التي رددتها قنوات إخبارية وصحف بشأن تحذير المخابرات الإسرائيلية لرئيس الوزراء الإسرائيلي قبل عملية طوفان الأقصى.

وقال موسى خلال برنامج "على مسؤوليتي" المذاع على قناة "صدى البلد": "قنوات معادية ضدنا بتشتغل علينا زي ما اشتغلوا في 2008 اللي بتعمله مصر محدش عمله؛ السيد الرئيس عبد الفتاح السيسي والسيد وزير الخارجية؛ أنثوا بتتكلموا وبس أنتوا أبواق اعلام معادي من بعض المعادين لينا".

وأضاف: "أرض مصر مش مستباحة لحد خالص ومحدش يتكلم بالطريقة دي على مصر؛ اللي بيحصل النهاردة حصل معانا في 2008 نفس السيناريو ونفس الأبواق الإعلامية المعادية لينا؛ روجوا لأكاذيب وطلع مكتب نتنياهو نفى".

وواصل: "بيروجوا شائعات علينا ولازم تبقي عارف أن الهدف استهدافك؛ اللي قالوا على بلدنا كدة ناس خونة حتى لو كانوا قنوات عربية؛ أي حد يتهم مصر بالتواطؤ؛ الناس اللي نسيت أنا بفكرك نفس القنوات والأبواق والمذيعين بيروجوا شائعات عن مصر ونطلع نرد ونتكلم ونلاقي ناس جوة مصر زي ما بيحصل دلوقت".

وأكمل: "لا أقفوا مع بلدكم؛ عايزين بلدك تدخل في فوضى؛ انا بقولك السيناريو هو أنت عايز ايه نفس القناة المعادية بتقول الأكاذيب؛ الهدف مصر والرئيس عبد الفتاح السيسي؛ الهدف ارضك وشعبك واحداث فوضى".

وأوضح: "أنا بقولك حصل في 2008 وحصل في الكارثة في 2011 كانت مترتب؛ أنا بقولك اللي فات عشان تعرف اللي جاي؛ نفس القناة المعادية مع نفس الأشخاص المعادين مع نفس الدعوات؛ الدولة صاحية ومؤسساتها صاحية تماما؛ ميبقاش عندك قلق أنبهك وأنبه حضراكم على المخطط وأبعاد المخطط واللي بيحصل في غزة".

وفي وقت سابق نفى مكتب رئيس الوزراء الإسرائيلي بنيامين نتنياهو، صحة التقرير التي تحدثت عن تلقي نتنياهو تحذريا من المخابرات المصرية حول خطط حركة "حماس" قبل 10 ايام من بدء عملية "طوفان الأقصى".

وذكرت وسائل إعلام عبرية أنه بالرغم من الرسالة التي تلقتها تل أبيب، فإن إسرائيل واصلت التركيز على الوضع في الضفة الغربية وقللت من أهمية التهديد القادم من غزة.

وقال مكتب نتنياهو إن ما نشر عن أن الأخير تلقى رسالة أولية من مصر هو كذب محض، ولم تصل أي رسالة أولية من مصر ولم يتحدث رئيس الوزراء أو يلتقي بالمخابرات المصرية، منذ تشكيل الحكومة لا بشكل غير مباشر أو بشكل مباشر، وهذا خبر كاذب مطلق.