عمرو أديب عن "طوفان الأقصى": "المسيرات الإيرانية لسة مشتغلتش"

أكد الإعلامي عمرو أديب أن عملية "طوفان الأقصى" التي قامت بها المقاومة الفلسطينية أظهرت فشل أمني واستخباراتي إسرائيلي كبير.

وقال أديب خلال برنامج "الحكاية" المذاع على قناة "أم بي سي مصر": "امبارح بعد اللي هو قالك المفاجأة وأحنا مش عارفين؛ دخلت قوات من حماس وقتلت 15 إسرائيلي تاني؛ دا محمد بيه في قسم الهرم ممكن يظبط الأمور أكتر من كده".

وأضاف: "الطائرات المسيرة ذات المنشأ الإيراني لسه مشتغلتش؛ إحنا لسه في مرحلة الصواريخ؛ حماس عرضت فيلم بتقول إن أنا عندي المسيرات دي والإيرانيين متميزين جدا في المسيرات واخدين التكنولوجيا من كوريا الشمالية وتركيا والصين".

وواصل: "قوات حماس كان عندها القدرة التكنولوجية للتشويش على قدرات الإسرائيليين؛ هذا الأمر لا يستقيم مع القدرات الإسرائيلية؛ ما حدث بالأمس ليس طبيعيا وفي شيء غير طبيعي؛ لما تقولي إن حماس قامت بالتشويش على القدرات الدفاعية الإسرائيلية؛ طيب حماس معاها القدرات دي ازاي ومنين".

وأكمل: "الجماعة بتوع حماس كان معاهم جرارات ودخلوا لمسافات طويلة؛ احنا بنتكلم عن ألف واحد عبروا ولا واحد منهم قال كلمة".

وذكر: "النهاردة الفجر في عسقلان في 15 إسرائيلي تم القضاء عليهم؛ ودلوقت في 150 طيارة بتضرب غزة طيب انت بتضرب مين؟ هناك تعاطف غربي غير طبيعي مع إسرائيل ورئيس أوكرانيا عمل فيديو بالموبايل وقالك لازم أؤيد إسرائيل بسرعة".

وأوضح: "في نهاية الأمر أمريكا قررت إنها مش هتسيب إسرائيل وحدها وأن قررت ترسل لإسرائيل فورا كميات من الذخيرة؛ أنا عايز اسال الأمريكيين سؤال بتوع حقوق الإنسان هما الإسرائيليين دول هيستخدموا الذخيرة فين؟".

واختتم: "حماس غير موجودة أنت عشان تستهدف حد من حماس لازم تضربه في الشقة بتاعته إنما القصف العشوائي أنت بتقتل الفلسطينيين وكأنهم بيحاربوا جيش نظامي النهاردة بس الدبابات راحت وقفت في محيط غزة؛ فشل واخفاق أمني ومخابراتي وعسكري غير طبيعي وغير مفهوم".