السيسي يتحدث عن الجسر الجوي الأمريكي: "الدبابات كانت بتنزل في مطار العريش"
أكد الرئيس عبد الفتاح السيسي؛ أن القوات المسلحة المصرية حققت انجاز عسكري كبير في حرب السادس من أكتوبر على الرغم من فارق القوة التي الذي كان يصب في صالح إسرائيل حينها.
وقال السيسي خلال الندوة التثقيفية للقوات المسلحة: "المنتصر قوته المعنوية تختلف عن القوة المعنوية للمنهزم؛ لما كانت القوة العربية هي المنهزمة قبل أكتوبر 1973 وحصل تدمير كامل للقدرات العسكرية للجيوش وخاصة الجيش المصري؛ الكلام كان بيتقال موشى ديان قال مصر تحتاج 50 سنة لاستعادة ما تم تدميره".
وأضاف: "اللي يستطيع في ظل الظروف دي كلها هزيمة كاملة واحباط كامل وفقدان للثقة وغياب لقائد كانوا متعودين عليه من 16 سنة وكان يعتبر رقم كبير في معادلة القوة المصرية والعربية وكل دة أن الجيش يستطيع أن يكسر حاجز الخوف وعدم الثقة وفرق القوة؛ فرق القوة الضخم جدا بين ما لدينا وما لديهم؛ لا دا مكانش انتصار".
وتابع: "أنت بتتكلم من أي منظور؟ الجسر الجوي الأمريكي كان بينزل دبابات الأم 60 في مطار العريش وهي دبابات عاملة 80 كم و100 كم؛ وتعويض طائرات الفانتوم وتأكل سلاح الطيران الإسرائيلي بالمفردات اللي كانت موجودة لصالح إسرائيل تمكن الجيش المصري بالفكر والتخطيط والتدريب والعزيمة أنه يحقق".
وواصل: "النهاردة في جسر جوي ضخم؛ أحنا بنقول الكلام دة أحنا بنحكي ازاي نفهم الحكاية؛ لما كيسنجر يقول في مذكراته أن القرار كان عدم السماح بهزيمة السلاح الغربي أن القرار على مستوى القوتين".
وأوضح: "احنا كدولة علينا دور ونعمله بالموضوعية لان احنا عايزين في تعاملنا أن احنا نبقى دايما الحق دايما محدش يقدر يتغلب عليه وعايزين دايما واحنا بنتكلم مينفعش ترد بعنوان تسمعه أو مقولة تتردد لازم تسمع وتقرا كويس".
وذكر: "سنة 1967 كان عندي 13 سنة وأنا فاكر كل حاجة اتعملت من شدوان لراس العش للمدمرة إيلات وبالوظة ورمان؛ أي بيان اتقال في الوقت دة كنت بوثقه".
وشارك الرئيس السيسي، في تحية السلام لشهداء حرب 6 أكتوبر 1973، خلال الندوة التثقيفية للقوات المسلحة بمناسبة مرور 50 عاما عل نصر أكتوبر.
وبدأت فعاليات الندوة بتلاوة أيات من القرآن الكريم، بحضور الفريق محمد زكي وزير الدفاع، وعدد من قيادات الدولة وقادة القوات المسلحة.
