السيسي عن جماعة الإخوان: "خلوا الكذب منهج وقدموا نفسهم أنهم أفاضل الناس"
حذر الرئيس عبد الفتاح السيسي؛ من خطورة هدم مؤسسات الدولة مشيرا إلى أن التدمير أمر في غاية السهولة ولكن البناء صعب.
وقال السيسي في كلمة خلال مؤتمر "حكاية وطن": "المؤسسة دي أنت فكيتها بغض النظر عن العوار اللي فيها؛ لكن انعكاس التفكيك اللي حصل في الدولة المصرية في الوقت دة كان هيكون ليه تأثير عميق على استمرارها واستقرارها بعد كدة لأن كل مؤسسة أنت فكيتها هتبقى عايز ترجعها هتقدر ترجعها أو لا المسار بتاع ارجاعها مش سهل".
وأضاف: "مثال أنت حليت البرلمان عشان ترجع البرلمان عايز انتخابات طيب في استقرار ولا لا طيب القوى السياسية جاهزة ولا لا؛ أنت حليت المؤسسة في ثانية ولكن استعادتها مش في ثانية".
وتابع: "نفس الكلام مؤسسة الرئاسة أنت فكيتها وشيلتها؛ طيب ندخل في مسار أحنا هنعمل الدستور الأول والا البرلمان الأول ولا انتخابات الرئاسة الأول وندخل في المتاهات دي اللي من خلالها حالة الهشاشة اللي بتتعرض لها الدولة في المرحلة دي في غاية الخطورة".
وواصل: "في عناصر موجودة فاهمة غلط أنه لما توقعها هتاخدها وهو مش فاهم أن اللي بيقع مينفعش يتاخد؛ خدها وبعدين هالهم ما وجدوه وأنا بقول الكلام دة عسى أن يكون منهم رشيد يفهم أن عمر ربنا سبحانه وتعالي لما يحافظ على بلد ما حد أبدا يقدر يكسرها أبدا".
وأوضح: "اللي حصل دة كل مقومات التدمير وهدم الدولة كانت متوفرة؛ مفيش كلام ومفيش مؤسسات عدا الجيش وكمان اتعمله مخطط كبير للاساءة ليه وتشويه صورته حتى لا يكون له دور في المرحلة دي؛ كل مؤسسات الدولة تم اسقاطها عشان تبقى دولة بلا دولة وتمشي كدة بعد تدمير الأقسام ومديريات الامن والكنايس وكل ما كانت ايدهم تطول لهدمه لم يتراجعوا عن هدمه".
وأكمل: "لا يمكن ربنا يمكن الأشرار أبدا؛ أنا كانوا بيسألوني مدير للاستخبارات مين اللي جاي؟ أقولهم هما اللي جايين؛ ودا تقديرعلمي والناس في مصر بسيطة وعلى مدى 50-60 سنة من التقديم الخاطئ أنهم افاضل الناس".
واختتم: "يا اخي دا خلوا الكذب منهج وشرعنوا الكدب أنا مش بهاجم حد والله؛ أنا بوصف حد؛ أنا بوصف الواقع المصري في الوقت دا للناس اللي نسيت أو مكانتش مهتمة أو حديثة السن".
