عمرو أديب يوجه رسالة إلى حملة أحمد الطنطاوي: "قدموا شكوى وأثبتوا حالة"
ناشد الإعلامي عمرو أديب، حملة المرشح المحتمل لانتخابات الرئاسة النائب السابق أحمد الطنطاوي التوجه إلى الهيئة الوطنية للانتخابات بشكوى بسبب ما قالوا إن هناك مشكلة في تحرير التوكيلات الخاصة به.
وقال أديب خلال برنامج "الحكاية" المذاع على قناة "أم بي سي مصر": "أنا عايز بلد طبيعي وعلى ذكر طبيعي ببساطة كدة الهيئة العليا للانتخابات طلعت بيان؛ أن في ناس عايزة تعمل توكيلات ومش عارفة؛ وضمانا أنك لما ترضى البيان ده معناه أن في معوقات؛ فنية يعني؛ جهاز بايظ أو قلة في الموظفين؛ حاجة مانعة أن التوكيلات تتعمل".
وأضاف: "اتوسل إليكم هذا الأمر غير مطلوب؛ خلي اللي عايز يعمل توكيل يعمل توكيل؛ كانت الدنيا فتحت شوية؛ وهو في التوكيلات أظن هو مرشح واحد اللي محتاج يعمل التوكيلات؛ والباقي كما أظن يعني هيجيبوا التزكيات؛ خلي الناس كلها تعمل توكيلاتها وتتحرك".
وتابع: "زي ما قلت قبل كده النهاردة البيان بيقول إننا هنزود الناس والأجهزة وهندي فرصة أن الناس تعمل هذا الأمر".
وأكمل: "لما أجي ألاقي واحد مرشح أحمد الطنطاوي بيعمل خطبة وبيقول أنا بقالي يومين عملت توكيلين؛ حاجة من اتنين يالراجل صادق أو غير صادق؛ لو صادق تبقي مشكلة؛ ولو غير صادق المشكلة اعظم ولذلك الدولة مسؤولة ووزارة العدل مسؤولة أن الناس تعمل توكيلاتها".
وأوضح: "ياجماعة أنا عايز الناس بتاعة أحمد الطنطاوي؛ تقدم بشكوى إلى الهيئة الوطنية؛ قولهم ياجماعة أنا أهو الناس بتوعي في الحتة الفلانية؛ أثبتوا الحالة وقولوا مش قادرين؛ أنا عارف أن في بعض الصعوبات الفنية وقلة في عدد الموظفين؛ خلينا دولة طبيعية".
وكان المرشح المحتمل أحمد الطنطاوي قد شكي من تعطيل بعض مكاتب الشهر العقاري لمناصريه ومنعهم من تحرير التوكيلات الخاصة به.
وظهر الطنطاوي وسط حشد من مناصريه أمام أحد مكاتب الشهر العقاري وهو يتحدث إليهم عن عدم قدرتهم على تحرير التوكيلات لأسباب غير معلومة.
كما شكى المتحدث باسم الحملة الانتخابية للمرشحة المحتملة عن حزب الدستور جميلة إسماعيل من عدم القدرة على تحرير التوكيلات أيضا.
