السيسي يكشف عن تأثير عدم الاستقرار على إمدادات الطاقة
كشف الرئيس عبد الفتاح السيسي عن خطورة عدم الاستقرار على إمدادات الطاقة، مشيرا إلى ما حدث في 2011 من توقف لمحطات إسالة الغاز الطبيعي بسبب التظاهرات ومنع المصانع من العمل.
وقال الرئيس في تصريحات خلال مؤتمر "حكاية وطن": "الكهرباء والبترول يبقوا موجودين مع بعض؛ أنا بقول الصعب عشان هتلاقوني بنقل بين الكهرباء والبترول وأنا بتكلم معاكم؛ وزير البترول قال إننا بنتعامل مع إنتاج ناضب يعني بينتهي والنهاردة لو توقفت الاستكشاف وفي أبار دايما تدخل؛ من كل 100 بير ممكن تنجح 20-30% الأبار دي تنتج".
وأضاف: "لقطاع ده مرتبط بالكهرباء؟ أيوة؛ على ما تستعيد الثقة تاني وتطمن الشركات أنها تشتغل الدنيا موقفتش؛ الناس دائما عايزة بترول وغاز وكهرباء والناس مش عارفين أنه نتيجة عدم الاستقرار توقف انتاج الغاز أو تراجع واضطرينا أننا نشتري معانا فلوس أو معناش والاقتصاد خربان نتيجة عدم الاستقرار".
وتابع: "وتلاقي الموضوع شبه الدومينو دا بيكسر في دة وتتهد الدولة؛ انت دايما بتكلم في الحتة دي بس؛ النهاردة المستثمرين بيقولوا ايه أروح احط استثمارات بمليارات الدولارت في دول".
وواصل: "محطات الاسالة في 2011 توقفت عشان الناس كانت بتعمل تظاهرات هناك عشان متشتغلش والشركة تعمل علينا تحكيم بمليار دولار وأنا في احتياج لمليار مليم؛ وتقف المحطة متشتغلش وتنسحب الشركة ونبقى احنا محتاجين".
وأوضح: "المحطة مبتشتغلش وتفقد قدرتك على الإنتاج وكمان عليك مليار دولار هنا وهنا؛ فكل قضية من قضايا التحكيم اللي نتيجة أننا نتيجة الفوضى اللي كنا فيها لا وقف دة ورجع الشركة دي خدها من صحابها ووديها القطاع العام تاني".
وذكر: "لما توقفت الشركات عن الاستثمار تراجع الإنتاج وبالتالي أصبحت هناك أزمة غاز وبوتجاز ووقود في مصر عام 2011-2012-2013-2014 طيب لما حصل دة أيه الحكاية؟ الناس كلها عايزة تمشي وتشوف شغلها وحالها؛ هو ميعرفش ليه المحطة دي مفيهاش بنزين بس دة عشان يجي لازم شركات تشتغل وتنتجه او نجيبه من برة يعني نشتريه بالدولار طيب انت خلصت الاحتياطي بتاعك".
وكانت الحكومة قد استعرضت الإنجازات التي تحققت خلال السنوات الماضية في مؤتمر حكاية وطن.
